ന്യൂയോർക്ക് സിറ്റി: ന്യൂയോർക്കിലെ ബ്രൂക്ലിൻ പാലത്തിൽ മെക്സിക്കൻ നാവികസേനയുടെ പരിശീലന കപ്പൽ ഇടിച്ചുകയറിയുണ്ടായ അപകടത്തിൽ രണ്ട് പേർ മരിക്കുകയും നിരവധി പേർക്ക് പരിക്കേൽക്കുകയും ചെയ്തു. ഈ സംഭവത്തിന്റെ നിരവധി വീഡിയോ ദൃശ്യങ്ങൾ സമൂഹമാധ്യമങ്ങളിൽ വ്യാപകമായി പ്രചരിക്കുന്നുണ്ട്.
ഈസ്റ്റ് നദിയിലൂടെ സഞ്ചരിക്കുകയായിരുന്ന കപ്പലിന്റെ ഉയർന്ന കൊടിമരങ്ങൾ ഐക്കണിക് ആയ ബ്രൂക്ലിൻ പാലത്തിന്റെ മുകൾഭാഗത്ത് ഇടിക്കുകയും അവ ഭാഗികമായി തകരുകയും ചെയ്യുന്ന ദൃശ്യങ്ങളാണ് വൈറലായ വീഡിയോകളിൽ പ്രധാനമായും കാണുന്നത്. പാലത്തിന്റെ ഡെക്കിൽ തട്ടിയപ്പോൾ കൊടിമരങ്ങൾ ഒടിഞ്ഞുവീഴുന്നതും ചില ദൃശ്യങ്ങളിൽ ഒടിഞ്ഞ കൊടിമരങ്ങളിൽ ആളുകൾ തൂങ്ങിക്കിടക്കുന്നതായും കാണാം.
ഒരു ദൃക്‌സാക്ഷി അസോസിയേറ്റഡ് പ്രസ്സിനോട് പറഞ്ഞത് ഇങ്ങനെ: “ഞങ്ങൾ ആരോ തൂങ്ങിക്കിടക്കുന്നത് കണ്ടു, അത് അവ്യക്തമാണോ അതോ എൻ്റെ തോന്നലാണോ എന്ന് ആദ്യം മനസ്സിലായില്ല. പിന്നീട് ഫോണിൽ സൂം ചെയ്ത് നോക്കിയപ്പോഴാണ് അത് ശരിയാണെന്ന് മനസ്സിലായത്. അവരെ രക്ഷിക്കാൻ കഴിയുന്നതിന് മുമ്പ് ഏകദേശം 15 മിനിറ്റോളം അവർ മുകളിൽ ഹാർനെസിൽ തൂങ്ങിക്കിടക്കുന്നുണ്ടായിരുന്നു.”