നിലമ്പൂരില്‍ ഇന്ന് അന്തിമ സ്ഥാനാര്‍ത്ഥി ചിത്രം തെളിയും. നാമനിര്‍ദ്ദേശപത്രിക പിന്‍വലിക്കാനുള്ള സമയ പരിധി വൈകീട്ട് 3 ന് അവസാനിക്കും.
സൂക്ഷ്മ പരിശോധനയ്ക്ക് ശേഷം പ്രധാന മുന്നണി സ്ഥാനാര്‍ത്ഥികള്‍ ഉള്‍പ്പെടെ 14 സ്ഥാനാര്‍ത്ഥികളാണ് അവശേഷിക്കുന്നത്. ഇതില്‍ അവസാന നിമിഷം പി വി അന്‍വര്‍ പത്രിക പിന്‍വലിക്കുമോ എന്നാണ് ആകാംക്ഷ. പത്രിക സമര്‍പ്പിച്ച് രണ്ട് ദിവസമായിട്ടും അന്‍വര്‍ പ്രചരണരംഗത്തേക്ക് ഇറങ്ങാത്തതാണ് സംശയത്തിന് വഴിയൊരുക്കുന്നത്.
യുഡിഎഫ് സ്ഥാനാര്‍ത്ഥി ആര്യാടന്‍ ഷൗക്കത്ത് ഇന്ന് എടക്കര, കരുളായി പഞ്ചായത്തുകളില്‍ പര്യടനം നടത്തും. മൂത്തേടം പഞ്ചായത്തിലാണ് എം സ്വരാജിന്റെ പര്യടനം. അതേസമയം നിലമ്പൂരില്‍ ഇന്ന് ബിജെപി മണ്ഡലം കണ്‍വെന്‍ഷന്‍ നടക്കും. കേന്ദ്ര സഹമന്ത്രി സുരേഷ് ഗോപി ഉദ്ഘാടനം ചെയ്യും.
