പത്തനംതിട്ട ഏനാത്തില്‍ 40കാരിയായ വീട്ടമ്മയുടെ ഫോണിലേക്ക് വാട്‌സാപ്പ് വഴി അശ്ലീലദൃശ്യങ്ങളും സന്ദേശങ്ങളും അയച്ച യുവാവ് പിടിയില്‍. ഹരിപ്പാട് കുമാരപുരം രണ്ടുപന്തിയില്‍ വീട്ടില്‍ അജിന്‍കുമാര്‍ (23) ആണ് അറസ്റ്റിലായത്. വീട്ടമ്മയുടെ ഫോണിലേക്ക് രാത്രി 12 മണിയോടു കൂടി 140ലധികം അശ്ലീല ദൃശ്യങ്ങളാണ് പ്രതി അയച്ചത്.
അടുത്ത ദിവസം രാവിലെ ഏഴ് മണിയോട് കൂടിയാണ് വീട്ടമ്മ ഫോണ്‍ പരിശോധിച്ചതും ഈ ദൃശ്യങ്ങള്‍ കാണുന്നതും. തുടര്‍ന്ന് അടുത്ത ബന്ധുക്കളെ വിവരമറിയിച്ചു. പിന്നീട് അശ്ലീല ദൃശ്യങ്ങള്‍ അയച്ച നമ്പറിലേക്ക് കോള്‍ ചെയ്തു.
തനിക്ക് മെസഞ്ചറില്‍ നിന്നുമാണ് വീട്ടമ്മയുടെ നമ്പര്‍ ലഭിച്ചതെന്നും അതുകൊണ്ടാണ് ന?ഗ്‌നദൃശ്യങ്ങള്‍ അയച്ചതെന്നുമായിരുന്നു പ്രതി നല്‍കിയ മറുപടി. തുടര്‍ന്ന് യുവതി പൊലീസില്‍ പരാതി നല്‍കി. പ്രതിയെ പൊലീസ് ചോദ്യം ചെയ്തു വരികയാണ്. കേസില്‍ വിശദമായ അന്വേഷണം തുടരുകയാണ്