തിരുവനന്തപുരം:സംസ്ഥാനത്ത് പ്ലസ് വൺ പ്രവേശനത്തിനുള്ള ആദ്യദിനത്തിൽ അപേക്ഷകർ ഒരു ലക്ഷം കവിഞ്ഞു.ബുധനാഴ്ച വൈകീട്ട് ഏഴുവരെയുള്ള കണക്കിൽ ഏകജാലകം വഴി 1,02,298 അപേക്ഷകൾ ലഭിച്ചതായി അധികൃതർ അറിയിച്ചു. ഇതിൽ 84,225 പേരുടെ അപേക്ഷാ സമർപ്പണം പൂർത്തിയാക്കി. മലപ്പുറത്തുനിന്നാണ് കൂടുതൽ അപേക്ഷ -12,244 പേർ കാൻഡിഡേറ്റ് ലോഗിൻ സൃഷ്ടിച്ചു. ഇതിൽ 9504 പേരുടെ അപേക്ഷാസമർപ്പണം പൂർത്തിയായി. 20 വരെ അപേക്ഷിക്കാം. ട്രയൽ അലോട്മെന്റ് 24-ന് പ്രസിദ്ധീകരിക്കും.
