തക്കാളി അച്ചാർ തയ്യാറാക്കാം

ആവശ്യമായ ചേരുവകൾ

    കടുക്
    ഉലുവ
    നല്ലെണ്ണ
    വെളുത്തുള്ളി
    കറിവേപ്പില
    തക്കാളി
    ഉലുവാപൊടി
    മുളകുപൊടി
    മഞ്ഞൾപൊടി
    വാളൻപുളി
    ഉപ്പ്
    കായപ്പൊടി

തയ്യാറാക്കുന്ന വിധം

ആദ്യം ഒരു ടീസ്പൂൺ കടുകും, 1/2 ടീസ്പൂൺ ഉലുവയും ചൂടാക്കി പൊടിച്ചു മാറ്റുക. പാനിൽ കുറച്ചു നല്ലെണ്ണ ഒഴിച്ച് ചൂടാവുമ്പോൾ ഒരു ടീസ്പൂൺ കടുകും 1/2 ടീസ്പൂൺ ഉലുവയും പൊട്ടിക്കഴിയുമ്പോൾ കുറച്ചു വെളുത്തുള്ളി രണ്ടായി മുറിച്ചതും, കറിവേപ്പിലയും ചേർത്ത് ഒന്ന് വഴറ്റുക. ശേഷം പൊടിയായി മുറിച്ച 6 തക്കാളി, പൊടിച്ചുവെച്ചിരിക്കുന്ന കടുകും ഉലുവാപൊടിയും, മുളകുപൊടിയും, മഞ്ഞൾപൊടി, കുറച്ചു വാളൻപുളി ചാറും ആവിശ്യത്തിന് ഉപ്പും ചേർത്ത് എണ്ണ തെളിയുന്ന വരെ വഴറ്റുക. ലാസ്‌റ് കുറച്ചു കായപ്പൊടിയും ചേർക്കണം.