ഗോതമ്പു പൊടി – 1 ഗ്ലാസ്‌
എണ്ണ – പൂരി വറുത്തു കോരാൻ ആവശ്യത്തിന് ( 1/2 ഗ്ലാസ്‌ )
വെള്ളം -1/2 ഗ്ലാസ്‌
ഉപ്പ് – 1/4 സ്പൂൺ
പഞ്ചസാര – 1 സ്പൂൺ
പൂരി തയ്യാറാക്കുന്നതിനായി ഒരു പാത്രത്തിലോട്ടു അര ഗ്ലാസ്‌ വെള്ളം എടുത്തു അതിൽ ഉപ്പും പഞ്ചസാരയും ചേർത്തു ഇളക്കി യോജി പ്പിക്കുക. ഇതിലേക്ക് ഒരു ഗ്ലാസ്‌ ഗോതമ്പു പൊടി ഇട്ടു കൊടുക്കണം. ഇവ നല്ലതു പോലെ ചപ്പാത്തി പരുവത്തിൽ കുഴച്ചെടുക്കണം. കുഴച്ച മാവ് ഒരു 20 മിനിറ്റ് മൂടി വക്കുക. ശേഷം പൂരി മാവ് ഓരോ ചെറിയ ഉരുളകൾ ആയി എടുത്ത് പരത്തി എടുക്കുക. ഒരു കുഴിവുള്ള പാനിൽ എണ്ണ ഒഴിച്ചു ചൂടാകുമ്പോൾ പരത്തിയ പൂരി ഇട്ട് കൊടുക്കണം. ഒരു വശം വീർത്തു വരുമ്പോൾ പൊട്ടി പോകാതെ മറുവശം തിരിച്ചു ഇട്ടുകൊടുക്കണം. ഒത്തിരി ബ്രൗൺ കളർ ആകും മുൻപ് വറുത്തു കോരണം.
പൂരി മസാലക്കായി ആവശ്യം വേണ്ട ചേരുവകൾ
ഉരുളക്കിഴങ്ങ് – 3
സവാള – 1
ക്യാരറ്റ് – 1
തക്കാളി – 1
പച്ചമുളക് – 4
കറിവേപ്പില – 1 തണ്ട്
കടുക് – 1/4 സ്പൂൺ
ഇഞ്ചി ചതച്ചത് – 1 സ്പൂൺ
വെളുത്തുള്ളി ചതച്ചത് – 1 സ്പൂൺ
ഗരം മസാല – 1/4 സ്പൂൺ
മഞ്ഞൾപൊടി -1/4 സ്പൂൺ
നല്ലജീരകം – ഒരു പിഞ്ച്
പൊട്ടുകടല – 1 സ്പൂൺ
ഉഴുന്ന് പരിപ്പ് – 1 സ്പൂൺ
കായം പൊടി – 1/4 സ്പൂൺ
ഉപ്പ് – ആവശ്യത്തിന്
എണ്ണ – 2 സ്പൂൺ
വെള്ളം – 1 ഗ്ലാസ്‌
പാകം ചെയ്യുന്നതിനായി ഉരുളകിഴങ്ങ്, ക്യാരറ്റ് ഇവ രണ്ടും കട്ട് ചെയ്ത് ഒരു കുക്കറിൽ ഇട്ട് കൊടുക്കണം. അൽപം ഉപ്പും മഞ്ഞൾ പൊടിയും ചേർത്ത് വെള്ളം ഒഴിച്ച് ഒരു വിസിൽ അടിപ്പിച്ചു വേവിച്ചെടുക്കുക. ഒരു പാത്രത്തിൽ എണ്ണ ഒഴിച്ച് ചൂടാകുമ്പോൾ കടുക്, നല്ലജീരകം ഇട്ടു പൊട്ടിക്കുക. ഇതിലേക്ക് പൊട്ടുകടല, ഉഴുന്ന് പരിപ്പ് ഇവ ഇട്ടു ഇളക്കി മൂപ്പിക്കുക. ഇതിലേക്ക് സവാള അരിഞ്ഞത്, പച്ചമുളക് അരിഞ്ഞത്, കറിവേപ്പില, ഇഞ്ചി , വെളുത്തുള്ളി എന്നിവ ചതച്ചത് , ഉപ്പ് ഇവ ചേർത്ത് നല്ലതുപോലെ വഴറ്റണം. വഴന്ന് വരുമ്പോൾ മഞ്ഞൾപൊടി, കായം പൊടി, ഗരം മസാല ചേർത്ത് ഇളക്കി കൊടുക്കണം. ഇവ വഴന്ന് വരുമ്പോൾ തക്കാളി അരിഞ്ഞു ചേർത്തു വഴറ്റി കുറച്ച് വെള്ളം ഒഴിച്ച് ഇളക്കണം. ഇതിലേക്ക് വേവിച്ചു വച്ചിരിക്കുന്ന ഉരുളക്കിഴങ്ങ് ചേർത്തു ഇളക്കി യോജിപ്പിച്ച് ചെറു തീയിൽ 5 മിനിറ്റ് മൂടി വച്ച് വേവിക്കുക. അഞ്ചു മിനിറ്റ് കഴിഞ്ഞു തീ ഓഫ്‌ ചെയ്ത് കറി യിലോട്ട് മല്ലി ഇല വിതറാം
