രണ്‍ബീര്‍ കപൂര്‍ നായകനാകുന്ന 'രാമായണ' എന്ന ചിത്രത്തിന്റെ ബജറ്റ് 4,000 കോടി രൂപ (ഏകദേശം 500 മില്യണ്‍ ഡോളര്‍) ആണെന്ന് വെളിപ്പെടുത്തി നിര്‍മ്മാതാവ് നമിത് മല്‍ഹോത്ര. രണ്ട് ഭാഗങ്ങളായി നിര്‍മ്മിക്കുന്ന ചിത്രത്തിന്റെ ബജറ്റ് ആണിത്. ഇതുവരെ നിര്‍മ്മിച്ചതില്‍ വച്ച് ഏറ്റവും ചെലവേറിയ ഇന്ത്യന്‍ ചിത്രമാണ് ഇതെന്നാണ് റിപ്പോര്‍ട്ട്.
'ലോകത്തിലെ ഏറ്റവും വലിയ സിനിമയാണ് നമ്മള്‍ നിര്‍മ്മിക്കുന്നത്. ഏറ്റവും വലിയ കഥയ്ക്ക് വേണ്ടി, ലോകം കാണേണ്ട ഏറ്റവും വലിയ ഇതിഹാസത്തിന് വേണ്ടി. ഏറ്റവും വലിയ ഹോളിവുഡ് സിനിമകളില്‍ ചിലത് നിര്‍മ്മിക്കുന്നതിനേക്കാള്‍ വിലകുറഞ്ഞതാണ് ഇതെന്ന് ഞാന്‍ ഇപ്പോഴും കരുതുന്നു' എന്നും അദ്ദേഹം കൂട്ടിച്ചേര്‍ത്തു.
യാഷ് , അമിതാഭ് ബച്ചന്‍, സായ് പല്ലവി , സണ്ണി ഡിയോള്‍ എന്നിവരുള്‍പ്പെടെയുള്ള ഒരു മികച്ച താരനിരയാണ് ചിത്രത്തില്‍ അഭിനയിക്കുന്നത്. രാമായണ പാര്‍ട്ട് 1ല്‍ വളരെ കുറച്ച് സ്‌ക്രീന്‍ ടൈം മാത്രമാണ് യഷിന് ഉണ്ടാവുക. രാവണനായി വേഷമിടുന്ന യഷിന് രാമായണം ഒന്നാം ഭാഗത്തില്‍ വെറും 15 മിനിറ്റ് മാത്രമേ സ്‌ക്രീന്‍ടൈം ഉണ്ടാകൂ. സിനിമയുടെ അവസാന രം?ഗങ്ങളിലാവും യഷിനെ അവതരിപ്പിക്കുക.
ആദ്യ ഭാഗത്തില്‍ കൂടുതലും രാമന്റെ കഥ പറയാന്‍ ആണ് അണിയറപ്രവര്‍ത്തകര്‍ തയ്യാറെടുക്കുന്നത്. രണ്ടാം ഭാ?ഗത്തിലാണ് രാമന്റെയും രാവണന്റെയും കഥ പറഞ്ഞ് അണിയറക്കാര്‍ ഒരുക്കുക. രാമായണയുടെ ആദ്യഭാഗം 2026 ദീപാവലി റിലീസായും രണ്ടാം ഭാഗം 2027 ദീപാവലിക്കുമാണ് റിലീസ് ചെയ്യുന്നത്.