സ്ത്രീകളും പ്രായമായവരും നേരിടുന്ന ഒരു സാധാരണ പ്രശ്നമാണ് വരണ്ടതും വിണ്ടുകീറിയതുമായ പാദങ്ങൾ. പാദങ്ങൾ ശരിയായി പരിപാലിച്ചില്ലെങ്കിൽ, വിണ്ടുകീറൽ, വേദന, അസ്വസ്ഥത എന്നിവയ്ക്ക് കാരണമാകും. ഈ പ്രശ്നം എളുപ്പത്തിൽ പരിഹരിക്കാൻ വീട്ടിൽ തന്നെ ചെയ്യാവുന്ന ചില ലളിതവും പ്രകൃതിദത്തവുമായ മാർഗ്ഗങ്ങളുണ്ട്.
അതിനായി ഒരു മുറി നാരങ്ങയിൽ അല്പം ബേക്കിംഗ് സോഡ, ഉപ്പ്, ടൂത്ത് പേസ്റ്റ് എന്നിവ ചേർക്കാം. അതുപയോഗിച്ച് വിണ്ടുകീറിയ ഭാഗങ്ങൾ മൃദുവായി സ്ക്രബ് ചെയ്യാം. ഇത് തികച്ചും പ്രകൃതിദത്തവും ചെലവുകുറഞ്ഞതുമായ രീതിയായതിനാൽ, എല്ലാവർക്കും അവരുടെ ദൈനംദിന ജീവിതത്തിൽ ഇത് ഉപയോഗിക്കാം.
ഇക്കാര്യങ്ങൾ അറിയാം
നനഞ്ഞ പാദങ്ങളിൽ മാത്രം നാരങ്ങ മിശ്രിതം പുരട്ടാം. വരണ്ട പാദങ്ങളിൽ ഇത് ചെയ്യരുത്, കാരണം ഇത് ചർമ്മത്തിൽ പോറൽ വീഴാൻ സാധ്യതയുണ്ട്.
വിണ്ടുകീറിയ ഭാഗങ്ങളിൽ അധികം സമ്മർദ്ദം ചെലുത്താതെ സൗമ്യമായി തടവുക. ഇത് ചർമ്മത്തെ മൃദുവാക്കും.
ഇത് അമിതമായി ഉപയോഗിക്കരുത്. ആഴ്ചയിൽ രണ്ടോ മൂന്നോ തവണ ഇങ്ങനെ ചെയ്യാം.
ഇതിനു ശേഷം തണുത്ത വെള്ളത്തിൽ പാദങ്ങൾ നന്നായി കഴുകുകയും മോയ്സ്ച്യുറൈസിങ് ക്രീമോ അല്ലെങ്കിൽ നെയ്യോ പുരട്ടാം.
