1. ഇഞ്ചി- തേന്‍ ചായ
ഇഞ്ചിയില്‍ അടങ്ങിയിരിക്കുന്ന ജിഞ്ചറോള്‍ തൊണ്ടവേദനയെ അകറ്റാനും രോഗ പ്രതിരോധശേഷി കൂട്ടാനും സഹായിക്കും. തേനിന് ആന്റി ബാക്ടീരിയല്‍ ഗുണങ്ങളുമുണ്ട്. അതിനാല്‍ തൊണ്ടവേദന പെട്ടെന്ന് മാറാന്‍ ഇഞ്ചി- തേന്‍ ചായ കുടിക്കുന്നത് നല്ലതാണ്.
2. മഞ്ഞള്‍ ചായ
ബാക്ടീരിയല്‍, ഫംഗല്‍, വൈറല്‍ അണുബാധകളെ പ്രതിരോധിക്കുന്നതിനും തൊണ്ടവേദനയെ അകറ്റാനും മഞ്ഞളിലെ കുര്‍കുമിന്‍ സഹായിക്കും. അതിനാല്‍ ഡയറ്റില്‍ മഞ്ഞള്‍ ചായ ഉള്‍പ്പെടുത്താം.
3. പെപ്പർമിന്‍റ് ടീ
പെപ്പർമിന്‍റ് ടീ ഡയറ്റില്‍ ഉള്‍പ്പെടുത്തുന്നതും തൊണ്ടവേദനയെ അകറ്റാന്‍ സഹായിക്കും.
4. നാരങ്ങാ നീരും തേനും
ഇളം ചൂടുവെള്ളത്തില്‍ നാരങ്ങാ നീരും തേനും ചേര്‍ത്ത് കുടിക്കുന്നതും തൊണ്ടവേദനയെ ശമിപ്പിക്കാന്‍ സഹായിക്കും. നാരങ്ങയിലെ വിറ്റാമിന്‍ സി രോഗ പ്രതിരോധശേഷി കൂട്ടാനും ഗുണം ചെയ്യും.
5. ആപ്പിള്‍ സൈഡര്‍ വിനഗര്‍
വെള്ളത്തില്‍ ആപ്പിള്‍ സൈഡര്‍ വിനഗറും തേനും ചേര്‍ത്ത് കുടിക്കുന്നതും തൊണ്ടവേദനയെ അകറ്റാന്‍ സഹായിക്കും.
6. കറുവാപ്പട്ട ചായ
ആന്റി ബാക്ടീരിയല്‍ ഗുണങ്ങൾ അടങ്ങിയ കറുവാപ്പട്ട ചായയും തൊണ്ടവേദനയെ അകറ്റാനും പ്രതിരോധശേഷി കൂട്ടാനും ഗുണം ചെയ്യും.