സൈജു കുറുപ്പ് നായകനായി വന്ന പുതിയ ചിത്രമാണ് അഭിലാഷം. എമ്പുരാനെത്തി രണ്ട് ദിവസം കഴിഞ്ഞാണ് ചിത്രം വന്നത്. തിയറ്ററിൽ വലിയ അഭിപ്രായമില്ലാതിരുന്ന ചിത്രം ഒടിടിയിലേക്ക് എത്തുകയാണ്. ആമസോൺ പ്രൈം വീഡിയോയിലൂടെ ചിത്രം ഒടിടിയിൽ മെയ് 23നാണ് എത്തുക.
സൈജു കുറുപ്പ്, തൻവി റാം, അർജുൻ അശോകൻ എന്നിവരെ പ്രധാന കഥാപാത്രങ്ങളാക്കുന്ന ചിത്രമാണ് അഭിലാഷം. ഷംസു സെയ്ബയാണ് സംവിധാനം നിർവഹിക്കുന്നത്. ബിനു പപ്പു, നവാസ് വള്ളിക്കുന്ന്, ഉമ കെ പി, നീരജ രാജേന്ദ്രൻ, ശീതൾ സക്കറിയ, അജിഷ പ്രഭാകരൻ, നിംന ഫതൂമി, വസുദേവ് സജീഷ്, ആദിഷ് പ്രവീൺ, ഷിൻസ് ഷാൻ എന്നിവരാണ് ചിത്രത്തിലെ മറ്റ് പ്രധാന താരങ്ങൾ. പുതുമയോടെ പ്രണയം പറയുന്ന ഒരു സിനിമയാണ് അഭിലാഷം എന്നാണ് അഭിപ്രായങ്ങൾ.
സെക്കന്റ്‌ ഷോ പ്രൊ ഡക്ഷൻസിന്റെ ബാനറിൽ ആൻ സരിഗ ആന്റണി, ശങ്കർ ദാസ് എന്നിവർ ചേർന്ന് നിർമിക്കുന്ന ചിത്രത്തിന്റെ തിരക്കഥ രചിച്ചിരിക്കുന്നത് ജെനിത് കാച്ചപ്പിള്ളിയാണ്.
എക്സിക്യൂട്ടീവ് പ്രൊഡ്യൂസർ -ഷോർട്ട്ഫ്ലിക്സ്. ഛായാഗ്രഹണം സജാദ് കാക്കു നിർവഹിക്കുന്നു. ശ്രീഹരി കെ നായർ സംഗീതം നിർവഹിക്കുന്നു.
