കെഎസ്ആര്‍ടിസി ശമ്പള പ്രതിസന്ധി തീരുന്നു.ഇനി മുതല്‍ എല്ലാ മാസവും ഒന്നാം തീയതി തന്നെ ശമ്പളം നല്‍കുമെന്ന് മന്ത്രി കെബി ഗണേഷ്‌കുമാര്‍ അറിയിച്ചു.കഴിഞ്ഞ മാസത്തെ ശമ്പളം ഇന്ന് വൈകീട്ട് മുതല്‍ തന്നെ കിട്ടും.സര്‍ക്കാര്‍ സഹായത്തോടെ തന്നെയാണ് ശമ്പളം നല്‍കുക..10,000 കോടി രൂപയോളം പല ഘട്ടങ്ങളിലായി സര്‍ക്കാര്‍ നല്‍കി മാസം തോറും 50 കോടി സര്‍ക്കാര്‍ തുടര്‍ന്നു നല്‍കും.ചെലവ് ചുരുക്കലിന്റെ ഭാഗമായാണ് ഈ നേട്ടം കൈവരിക്കുന്നത്.
എസ്ബിഐയില്‍ നിന്ന് 100 കോടിയുടെ ഓവര്‍ഡ്രാഫ്റ്റ് എടുക്കും..സര്‍ക്കാര്‍ പണം നല്‍കുമ്പോള്‍ തിരിച്ചടയ്ക്കും..മാനേജ്‌മെന്റ് നിയന്ത്രങ്ങളോടെയാണ് പദ്ധതി..പെന്‍ഷനും കൃത്യം കൊടുക്കും.വരുമാനത്തിന്റെ 5% പെന്‍ഷനായി മാറ്റി വക്കും.രണ്ട് മാസത്തിനകം പെന്‍ഷനും കൃത്യമായി വിതരണം ചെയ്യാനാവും.പിഎഫ് ആനുകൂല്യങ്ങളും ഉടന്‍ കൃത്യമായി കൊടുക്കാനാകും.
ജീവനകാര്‍ക്ക് ഒരുമിച്ച് ശമ്പളം നല്‍കണം എന്നുള്ളതായിരുന്നു മുഖ്യമന്ത്രി ആദ്യം ഏല്‍പ്പിച്ച ചുമതല.ധനമന്ത്രി വളരെ അധികം സഹായിച്ചു.100 കോടിയുടെ ഓവര്‍ഡ്രാഫ്റ്റ് എസ്ബിഐയില്‍ നിന്ന് എടുക്കും..സര്‍ക്കാര്‍ 2 ഗഡുക്കളായി 50 കോടി നല്‍കുമ്പോള്‍ തിരിച്ചടയ്ക്കും.വരുമാനത്തില്‍ നിന്നും ചെലവ് ചുരുക്കലില്‍ നിന്നും ബാക്കി തുക അടയ്ക്കും.20 ദിവസം കൊണ്ട് ഓവര്‍ഡ്രാഫ്റ്റ് നികത്തും.കെഎസ്ആര്‍ടിസിക്ക് ഉണ്ടായിരുന്ന 148 അക്കൗണ്ടുകള്‍ ക്ലോസ് ചെയ്തു.ഇനി ഓവര്‍ഡ്രാഫ്റ്റ് അക്കൗണ്ട് മാത്രമാണെന്നും മന്ത്രി അറിയിച്ചു.
