പഹൽഗാം ഭീകരാക്രമണത്തിന്റെ പശ്ചാത്തലത്തിൽ യു.കെയിലെ ഷോകൾ മാറ്റിവെച്ച് സൽമാൻ ഖാൻ. യു.കെയിലെ സന്ദർശനവും അവിടെ നടത്താനിരുന്ന ബോളിവുഡ് ബിഗ് വൺ ഷോകളുമാണ് മാറ്റിവെച്ചത്. ഇതേക്കുറിച്ച് താരം ഔദ്യോഗിക ഇൻസ്റ്റാഗ്രാം പേജിൽ കുറിപ്പ് പങ്കുവെച്ചിട്ടുണ്ട്.
അതേസമയം ഈ ദുഃഖസമയത്ത് ഒരു ഇടവേള നല്ലതാണെന്നും അതിനാൽ താൽകാലികമായി പരിപാടികൾ മാറ്റിവെക്കുന്നുവെന്നും സൽമാൻ കുറിപ്പിൽ പറയുന്നു. അദ്ദേഹം ആരാധകരോട് ക്ഷമ ചോദിക്കുകയും ചെയ്തു. ഷോകളുടെ പുതിയ തീയതികൾ ഉടൻ പ്രഖ്യാപിക്കുമെന്നും അദ്ദേഹം കൂട്ടിച്ചേർത്തു.
‘ഭീകരാക്രമണത്തിന്റെ പശ്ചാത്തലത്തിലാണ് മെയ് 3,4 തീയതികളിൽ മാഞ്ചസ്റ്ററിലും ലണ്ടനിലും നടത്താനിരുന്ന ബിഗ് വൺ ഷോകൾ മാറ്റിവെച്ചത്. ഞങ്ങളുടെ ആരാധകർ പരിപാടിക്കായി എത്രമാത്രം ആകാംക്ഷയോടെ കാത്തിരുന്നുവെന്ന് മനസ്സിലായെങ്കിലും, ഈ ദുഃഖസമയത്ത് താൽകാലികമായി നിർത്തുന്നതാണ് ശരി’-സൽമാൻ ഇൻസറ്റാഗ്രാമിൽ കുറിച്ചു.
