ചേരുവകൾ
പച്ചരിപ്പൊടി വറുത്തത് – ഒരു കപ്പ്
വരിക്ക ചക്ക ചുള അരിഞ്ഞത് – അരകപ്പ്
(കൂഴച്ചക്കയാണങ്കിൽ പിഴിഞ്ഞ് ചാറ് എടുക്കുക )
ശർക്കര ചുരണ്ടിയത് – മുക്കാൽ കപ്പ്
തേങ്ങ തിരുമ്മിയത് – കാൽ കപ്പ്
നെയ്യ്- രണ്ട് ടീ സ്പൂൺ
ഏലക്ക പൊടിച്ചത് – കാൽ ടീ സ്പൂൺ
വെള്ളം – ആവിശ്യത്തിന്
വയണയില കുമ്പിൾ കുത്തിയത് – ആവിശ്യത്തിന
തയ്യാറാക്കുന്ന വിധം:
വറുത്ത അരിപ്പൊടിയും, ചുരണ്ടിയ ശർക്കരയും, തേങ്ങ തിരുമ്മിയതും, നെയ്യും, ഏലക്ക പൊടിച്ചതും, ചേർത്ത് നല്ലതു പോലെ ഇളക്കി യോജിപ്പിക്കുക.
അതിലേക്ക് ചൂടുവെള്ളം ഒഴിച്ച് കുഴക്കുക.
വെള്ളം കൂടി പോകാതെ സൂക്ഷിക്കണം.
അതിലേക് അരിഞ്ഞചക്ക ചേർത്ത് യോജിപ്പിക്കുക.
ഇപ്പോൾ അപ്പത്തിനുള്ള മാവു റെഡിയായി.
ഇനി വയണയില കുമ്പിൾ കുത്തിയത്തിൽ മാവ് നിറച്ചു അപ്പച്ചെമ്പിൽ വെള്ളം ഒഴിച്ച് തട്ടിട്ട് ആവിയിൽ പുഴുങ്ങി എടുക്കുക
