ഇതിനായി ആവശ്യമുള്ള സാധനങ്ങൾ
ചിക്കൻ(എല്ലില്ലാത്തത്) – 250 ഗ്രാം
ബട്ടർ -ഒരു ടേബിൾ സ്പൂൺ
നാരങ്ങാ നീര് -ഒന്നര ടീസ്പൂൺ
തേൻ -2 ടേബിൾ സ്പൂൺ
ഉപ്പ് -ആവശ്യത്തിന്
ഇഞ്ചി-വെളുത്തുള്ളി പേസ്റ്റ് -ഒരു ടീസ്പൂൺ
എണ്ണ -ആവശ്യത്തിന്
തയ്യാറാക്കുന്നതിനായി
ചിക്കൻ വൃത്തിയാക്കുക. ഒരു പാൻ അടുപ്പത്ത് വെച്ച് ചൂടായി കഴിയുമ്പോൾ എണ്ണയൊഴിച്ച് ചിക്കൻ കഷ്ണങ്ങൾ നാല്-അഞ്ച് മിനിറ്റ് വറുത്തെടുക്കാം. ശേഷം ചിക്കൻ മറ്റൊരു പാത്രത്തിലേക്ക് മാറ്റാം. മറ്റൊരു പാനെടുത്ത് അടുപ്പത്ത് വെച്ച് അതിലേക്ക് ബട്ടറും തേനും ചേർക്കാം. ബട്ടർ നന്നായി ഉരുകി കഴിയുമ്പോൾ തീ ഓഫാക്കാം. ഇതേ പാനിലേക്ക് നാരങ്ങാ നീരും ഇഞ്ചി-വെളുത്തുള്ളി പേസ്റ്റും ഉപ്പും ചേർത്ത് നന്നായി ഇളക്കി ചേർക്കാം. നേരത്തെ വറുത്തെടുത്ത ചിക്കൻ കഷ്ണങ്ങൾ കൂടി ചേർത്ത് ചെറുതീയിൽ 10 മിനിറ്റ് വേവിച്ചെടുക്കാം. സ്വാദിഷ്ടമായ ഹണി ചിക്കൻ തയ്യാർ.
