ചായക്കടയിലെ ഉള്ളിവട ഇനി വീട്ടിലും തയ്യാറാക്കാം

വേണ്ട ചേരുവകൾ

സവാള നീളത്തിൽ അരിഞ്ഞത്- 2 കപ്പ് മുളകുപൊടി - ഒരു സ്പൂൺ

മൈദ - ഒരു കപ്പ്

ഇഞ്ചി ചതച്ചത് - രണ്ട് സ്പൂൺ

ഉപ്പ് - ഒരു സ്പൂൺ

കായപ്പൊടി - അര സ്പൂൺ

എണ്ണ - അര ലിറ്റർ

കറിവേപ്പില - രണ്ട് തണ്ട്

തയ്യാറാക്കുന്ന വിധം

മൈദയിലേക്ക് ആവശ്യത്തിന് സവാള നീളത്തിൽ അരിഞ്ഞത് ചേർത്ത് കൊടുക്കുക. എന്നിട്ട് അതിലേയ്ക്ക് ആവശ്യത്തിന് മുളകുപൊടിയും കായപ്പൊടിയും ഉപ്പും ചേർത്ത് കൊടുക്കാം. ശേഷം കറിവേപ്പിലയും ഇഞ്ചിയും ചേർത്ത് നല്ലതുപോലെ കൈകൊണ്ട് കുഴച്ചെടുത്ത് കുറച്ച് സമയം അടച്ചു വയ്ക്കുക. അതിനുശേഷം ഇത് കൈകൊണ്ട് ചെറിയ ഉരുളകളാക്കി എണ്ണയിലേക്ക് ഇട്ട് നല്ലപോലെ വറുത്തെടുക്കുക.