തര്‍ക്കത്തെ തുടര്‍ന്ന് ഒരാളെ കുത്തിക്കൊല്ലുകയും മറ്റൊരാള്‍ക്കു ഗുരുതര പരുക്കേല്‍പിക്കുകയും ചെയ്ത കേസില്‍ 3 ഏഷ്യക്കാരെ ദുബായ് പൊലീസ് അറസ്റ്റ് ചെയ്തു. ജബല്‍അലി വ്യവസായ മേഖലയില്‍ ഒഴിഞ്ഞ പ്രദേശത്താണു സംഭവം.
24 മണിക്കൂറിനകം പ്രതികളെ പിടികൂടി. വാക്കേറ്റം കത്തിക്കുത്തില്‍ കലാശിക്കുകയായിരുന്നു. ഒരാള്‍ തല്‍ക്ഷണം മരിച്ചു. നെഞ്ചിലും അടിവയറ്റിലും കുത്തേറ്റ മറ്റൊരാളെ ഗുരുതര പരുക്കുകളോടെ ആശുപത്രിയില്‍ പ്രവേശിച്ചിരിക്കുകയാണ്.
പ്രതികളെ പബ്ലിക് പ്രോസിക്യൂഷന് കൈമാറി.
