ചെന്നെയില്‍ ഒറ്റയ്ക്ക് താമസിക്കുന്ന വയോധിക ദമ്പതികളുടെ മൃതദേഹം ഫാംഹൗസില്‍ ജീര്‍ണിച്ച നിലയില്‍ കണ്ടെത്തി. ഈറോഡിന് സമീപം വേളാങ്ങാട് വലസ് ഗ്രാമത്തിലെ രാമസ്വാമി (75), ഭാര്യ ഭാഗ്യം (70 ) എന്നിവരെയാണ് കൊല്ലപ്പെട്ട നിലയില്‍ കണ്ടെത്തിയത്.
ഇവരുടെ ഏഴ് പവന്റെ താലിമാല ഉള്‍പ്പടെ 12 പവന്‍ സ്വര്‍ണാഭരണങ്ങളും മോഷണം പോയ നിലയിലാണ്. നാല് ദിവസമായി മാതാപിതാക്കളുടെ വിവരമൊന്നുമില്ലാത്തതിനാല്‍ മക്കള്‍ നടത്തിയ അന്വേഷണത്തിലാണ് ഇരുവരെയും കൊല്ലപ്പെട്ട നിലയില്‍ കണ്ടെത്തിയത്. മക്കള്‍ രണ്ട് പേരും ദൂരെ സ്ഥലത്താണ് താമസിക്കുന്നത്.
രാമസ്വാമിയുടെ മൃതദേഹം വീട്ടുമുറ്റത്തും ഭാഗ്യത്തിന്റേത് കിടപ്പുമുറിയിലും ജീര്‍ണിച്ച നിലയിലാണ് കിടന്നിരുന്നത്. നാല് ദിവസം മുന്‍പായിരിക്കും മരണം നടന്നതെന്നാണ് പൊലീസിന്റെ നി?ഗമനം. വലസ് ഗ്രാമില്‍ ഒറ്റപ്പെട്ട പ്രദേശത്താണ് ഫാം ഹൗസ് സ്ഥിതി ചെയ്യുന്നത്.
