മുത്തച്ഛന്റെ കൈവിട്ട് ഓടിയ മൂന്ന് വയസ്സുകാരന് കാറിടിച്ച്‌ ദാരുണാന്ത്യം

മംഗളൂരു: മുത്തച്ഛന്റെ കൈവിട്ട് ഓടിയ മൂന്ന് വയസ്സുകാരൻ കാറിടിച്ച്‌ ദാരുണാന്ത്യം.ചാർമാഡി ഗ്രാമത്തിലെ ബീറ്റിഗെയിലുണ്ടായ ദുരന്തത്തില്‍ ഗ്രാമപഞ്ചായത്ത് അംഗം യു.പി.സിദ്ദീഖിന്റെ മകൻ മുഹമ്മദ് ഹരിസിനാണ് മരിച്ചത്.

മുത്തച്ഛനോടൊപ്പം ലഘുഭക്ഷണം വാങ്ങാൻ അടുത്തുള്ള കടയിലേക്ക് പോകുകയായിരുന്നു കുട്ടി. തിരികെ വരുന്നതിനിടെ, കുട്ടി മുത്തച്ഛന്റെ കൈവിട്ട് പെട്ടെന്ന് ദേശീയപാത മുറിച്ചുകടന്നു, അപ്പോൾ ചാർമാഡിയില്‍നിന്ന് ബെല്‍ത്തങ്ങാടിയിലേക്ക് അതിവേഗത്തില്‍ വരുകയായിരുന്ന കാർ കുട്ടിയെ ഇടിച്ചുതെറിപ്പിച്ചു.

ഉടൻ പ്രദേശത്തെ ആശുപത്രിയിലെത്തിച്ച്‌ മംഗളൂരുവിലെ ആശുപത്രിയിലേക്ക് മാറ്റിയെങ്കിലും വഴിമധ്യേ മരിച്ചു. ധർമസ്ഥല പൊലീസ് സ്ഥലത്തെത്തി കാർ ഡ്രൈവർക്കെതിരെ കേസെടുത്തു