തിരുവനന്തപുരം: ഇടവേളയ്ക്ക് ശേഷം മഴ വീണ്ടും സജീവമായിരിക്കുകയാണ്. കഴിഞ്ഞദിവസം മുതല്‍ വിവിധ ജില്ലകളില്‍ നല്ല മഴ ലഭിക്കുന്നുണ്ട്.വരുന്ന അഞ്ചു ദിവസവും മഴ സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പിന്റെ പ്രവചനം.
ഒറ്റപ്പെട്ട ശക്തമായ മഴക്കുള്ള സാധ്യതയാണ് പ്രവചിച്ചിരിക്കുന്നത്. വിവിധ ജില്ലകളില്‍ യെല്ലോ അലർട്ട് പ്രഖ്യാപിച്ചിട്ടുണ്ട്. എന്നാല്‍ ഇന്ന് ഒരു ജില്ലകളിലും പ്രത്യേക മഴ മുന്നറിയിപ്പില്ല. മണിക്കൂറുകള്‍ ഇടവിട്ട് നേരിയതോ ഇടത്തരം ആയതോ ആയ മഴയ്ക്ക് സാധ്യതയാണ്.
അത്തരത്തില്‍ മണിക്കൂറുകളില്‍ മഴപെയ്യാൻ സാധ്യതയുള്ള ജില്ലകളുടെ വിവരം കേന്ദ്ര കാലാവസ്ഥ വകുപ്പിന്റെ വെബ്സൈറ്റുകളില്‍ ലഭ്യമാണ്. കൂടാതെ ഇടിമിന്നല്‍ ജാഗ്രത നിർദ്ദേശവും നല്‍കിയിട്ടുണ്ട്.ശനിയാഴ്ച രണ്ടു ദിവസങ്ങളില്‍ യെല്ലോ അലർട്ട് ഉണ്ട്.
പത്തനംതിട്ട ഇടുക്കി ജില്ലകളിലാണ്. കൂടാതെ ഞായറാഴ്ച തിരുവനന്തപുരം കൊല്ലം ആലപ്പുഴ ജില്ലകള്‍ക്കും മുന്നറിയിപ്പുണ്ട്. കേരളത്തില്‍ ഇന്ന് മുതല്‍ 10/11/2025 വരെ ഒറ്റപ്പെട്ടയിടങ്ങളില്‍ ഇടിമിന്നലോടുകൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
കേന്ദ്ര കാലാവസ്ഥ വകുപ്പിന്റെ അടുത്ത 5 ദിവസത്തേക്കുള്ള മഴ സാധ്യത പ്രവചനം. വിവിധ ജില്ലകളില്‍ കേന്ദ്ര കാലാവസ്ഥ വകുപ്പ് മഞ്ഞ (Yellow) അലർട്ട് പ്രഖ്യാപിച്ചിരിക്കുന്നു.
08/11/2025 : പത്തനംതിട്ട, ഇടുക്കി
09/11/2025 : തിരുവനന്തപുരം, കൊല്ലം, പത്തനംതിട്ട
10/11/2025 : തിരുവനന്തപുരം, കൊല്ലം, ആലപ്പുഴ
എന്നീ ജില്ലകളിലാണ് മഞ്ഞ അലർട്ട് പ്രഖ്യാപിച്ചിട്ടുള്ളത്. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില്‍ 64.5 മില്ലിമീറ്റർ മുതല്‍ 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അർത്ഥമാക്കുന്നത്.