തക്കാളി കൊണ്ടൊരു പച്ചടി

ആവശ്യമായ സാധനങ്ങൾ

തക്കാളി – 2 എണ്ണം
സവാള – 1 എണ്ണം
പച്ചമുളക് – 2 എണ്ണം
എണ്ണ – 2 ടേബിള്‍സ്പൂണ്‍
കടുക് – 1/4 ടീസ്പൂണ്‍
വറ്റല്‍മുളക് – 2 എണ്ണം
കറിവേപ്പില – 1 തണ്ട്
തേങ്ങ – 3/4 കപ്പ്
തൈര് – 3/4 കപ്പ്
കടുക് – 1/4 ടീസ്പൂണ്‍
ഉപ്പ്

ഉണ്ടാക്കുന്ന വിധം

ആദ്യം തേങ്ങാ ചിരകി തൈരും കടുകും ചേർത്ത് അരച്ച് മാറ്റി വയ്ക്കുക. ശേഷം ഒരു പാനില്‍ എണ്ണ ചൂടാക്കി കടുക് പൊട്ടിക്കുക. ഇതിൽ വറ്റല്‍മുളകും കറിവേപ്പിലയും ഇട്ട് നന്നായി ഇളക്കുക. ഇതിലേക്ക് സവാള ഇട്ട് 2 മിനിറ്റ് വഴറ്റുക. ശേഷം തക്കാളിയും പച്ചമുളകും ഉപ്പും ഇട്ട് വേവിക്കുക. തീ ഓഫ് ചെയ്ത് ഇത് നന്നായി തണുത്തതിനു ശേഷം അരപ്പ് ചേര്‍ത്ത് നന്നായി യോജിപ്പിച്ചാൽ രുചിയൂറും തക്കാളി പച്ചടി റെഡി