അ​ങ്ങാ​ടി​പ്പു​റ​ത്ത് റെ​യി​ൽ​വേ ട്രാ​ക്കി​ലൂ​ടെ ന​ട​ക്കു​മ്പോ​ൾ സ്ത്രീ​യെ ത​ള്ളി​യി​ട്ട് മാ​ല ക​വ​ർ​ന്ന പ്ര​തി അ​റ​സ്റ്റി​ൽ

പെ​രി​ന്ത​ൽ​മ​ണ്ണ : അ​ങ്ങാ​ടി​പ്പു​റ​ത്ത് റെ​യി​ൽവേ ട്രാ​ക്കി​ലൂ​ടെ ന​ട​ന്നു പോ​കു​ക​യാ​യി​രു​ന്ന സ്ത്രീ​യെ ത​ള്ളി​യി​ട്ട് ര​ണ്ടേ​മു​ക്കാ​ൽ പ​വ​ന്റെ മാ​ല ക​വ​ർ​ന്ന സം​ഭ​വ​ത്തി​ലെ പ്ര​തി പി​ടി​യി​ൽ. കൊ​ള​ത്തൂ​ർ വെ​ങ്ങാ​ട് വെ​ളു​ത്തേ​ട​ത്ത് പ​റ​മ്പി​ൽ വി​ജീ​ഷി​നെ (36) ആ​ണ് പെ​രി​ന്ത​ൽമ​ണ്ണ പൊ​ലീ​സ് അ​റ​സ്റ്റ് ചെ​യ്ത​ത്. ക​ഴി​ഞ്ഞ 14ന് ​വൈ​കീ​ട്ടാ​യി​രു​ന്നു സം​ഭ​വം. അ​ങ്ങാ​ടി​പ്പു​റ​ത്ത് ഹോ​ട്ട​ലി​ലെ ശു​ചീ​ക​ര​ണ ജീ​വ​ന​ക്കാ​രി​യാ​യ മ​ധ്യ​വ​യ​സ്ക​യു​ടെ മാ​ല​യാ​ണ് ക​വ​ർ​ന്ന​ത്. ഇ​വ​ർ ജോ​ലി ക​ഴി​ഞ്ഞ് റെ​യി​ൽവേ ട്രാ​ക്കി​ലൂ​ടെ വീ​ട്ടി​ലേ​ക്ക് മ​ട​ങ്ങു​ക​യാ​യി​രു​ന്നു.

പി​റ​കെ​യെ​ത്തി പി​ടി​ച്ച് വ​ശ​ത്തേ​ക്ക് ത​ള്ളി​യി​ട്ടാ​ണ് മാ​ല പൊ​ട്ടി​ച്ച​ത്. പി​റ​കെ ഓ​ടി ജോ​ലി​ചെ​യ്യു​ന്ന സ്ഥാ​പ​ന​ത്തി​ൽ പോ​യി പ​റ​ഞ്ഞ് ആ​ളെ കൂ​ട്ടി തി​ര​ഞ്ഞെ​ങ്കി​ലും പ്ര​തി​യെ ക​ണ്ടെ​ത്താ​നാ​യി​ല്ല. തു​ട​ർന്ന് പൊ​ലീ​സി​ൽ പ​രാ​തി ന​ൽ​കി. പ്ര​തി​യെ​ക്കു​റി​ച്ച് ല​ഭി​ച്ച സൂ​ച​ന​ക​ളു​ടെ അ​ടി​സ്ഥാ​ന​ത്തി​ൽ അ​ങ്ങാ​ടി​പ്പു​റം ടൗ​ണി​ലും പ​രി​സ​ര​ങ്ങ​ളി​ലു​മു​ള്ള സി.​സി.​ടി.​വി കാ​മ​റ​ക​ൾ കേ​ന്ദ്രീ​ക​രി​ച്ചും ബ​സ്, ഓ​ട്ടോ ജീ​വ​ന​ക്കാ​രോ​ടും മ​റ്റും അ​ന്വേ​ഷ​ണം ന​ട​ത്തി.

തു​ട​ർ​ന്ന് പ്ര​തി​യെ കോ​ഴി​ക്കോ​ട് മെ​ഡി​ക്ക​ൽ കോ​ള​ജ് പ​രി​സ​ര​ത്ത് നി​ന്നാ​ണ് ക​സ്റ്റ​ഡി​യി​ലെ​ടു​ത്ത​ത്. സ്ത്രീ ​ജോ​ലി ക​ഴി​ഞ്ഞ് വൈ​കീ​ട്ട് നാ​ലു​മ​ണി​യോ​ടെ റെ​യി​ൽവേ ട്രാ​ക്കി​ലൂ​ടെ വീ​ട്ടി​ലേ​ക്ക് പോ​കു​ന്ന​ത് പ്ര​തി ശ്ര​ദ്ധി​ക്കാ​റു​ണ്ട്. ചോ​ദ്യം ചെ​യ്ത​തി​ൽ പ്ര​തി കു​റ്റം സ​മ്മ​തി​ച്ച​താ​യും കൂ​ടു​ത​ൽ ചോ​ദ്യം ചെ​യ്യാ​നും ക​വ​ർച്ച മു​ത​ൽ ക​ണ്ടെ​ത്താ​നും ക​സ്റ്റ​ഡി​യി​ൽ വാ​ങ്ങി തെ​ളി​വെ​ടു​പ്പ് ന​ട​ത്തു​മെ​ന്ന് പൊ​ലീ​സ്‌ അ​റി​യി​ച്ചു.