ആവശ്യ സാധനങ്ങൾ:
പച്ചരി -1കപ്പ്‌
തേങ്ങാ -1കപ്പ്‌
വെള്ളം -6ഗ്ലാസ്‌
പച്ചമുളക് -3എണ്ണം
ഇഞ്ചി ചെറുതായി കൊത്തി അരിഞ്ഞത് -അര സ്പൂൺ
റെഡ്ചില്ലി -3എണ്ണം
ഉഴുന്ന് പരിപ്പ് -2സ്പൂൺ
കശുവണ്ടി പരിപ്പ് -10എണ്ണം
ഉണക്കമുന്തിരി -15എണ്ണം
ജീരകപൊടി -കാൽ സ്പൂൺ
കടുക് -1സ്പൂൺ
കറിവേപ്പില ,ഉപ്പ് ആവശ്യത്തിന്
നല്ലെണ്ണ
ഉണ്ടാക്കുന്ന വിധം:
ആദ്യം ഒരു പാത്രത്തിൽ 6 ഗ്ലാസ്‌ വെള്ളം തിളപ്പിച്ച്‌ ,കഴുകി വൃത്തിയാക്കി എടുത്ത പച്ചരി ഇട്ടു കൊടുക്കണം.10മിൻ മതിയാകും വെന്ത് കിട്ടാൻ.ഒരുപാട് വെന്ത് പോകാതെ നോക്കുക.ഉപ്പിട്ട് വേണം അരി വേവിക്കാൻ .വെന്ത ശേഷം പച്ചരി ചോറ് തണുക്കാൻ വെക്കുക.തണുത്തശേഷം ഒരു പാനിൽ എണ്ണ ചൂടാകുമ്പോ കടുക് പൊട്ടിച്ചു ഉഴുന്ന് ,ഇഞ്ചി ,പച്ചമുളക് ,റെഡ്ചില്ലി ,കശുവണ്ടി പരിപ്പ് ,ഉണക്കമുന്തിരി ,കറിവേപ്പില ഒക്കെ ചേർത്ത് വഴറ്റുക.അതിലേക്കു ജീരകപൊടി ചേർക്കാം.ശേഷം തേങ്ങാ ചേർത്ത് കൊടുക്കണം.ഒരുപാട് ഫ്രൈ ആകണ്ട .ഒരു രണ്ട് മിൻ ഒന്ന് വഴണ്ട്‌ കഴിയുമ്പോ ചോറ് ചേർത്ത് മിക്സ് ചെയ്യുക .ഉപ്പിന്റെ പാകം നോക്കുക .ചോറ് ചൂടാകുമ്പോൾ ഫ്ളയിം ഓഫ്‌ ചെയ്യാം .
അടിപൊളി ടേസ്റ്റ് ആണ്‌.കുറേ റെസിപി ഉണ്ട്.പക്ഷെ എനിക്ക് ഏറ്റവും ടേസ്റ്റി ആയി തോന്നുന്നത് ഈ റെസിപി ആണ്‌.കശുവണ്ടി,ഉണക്കമുന്തിരി,ഉഴുന്ന് ഒക്കെ ഓപ്ഷണൽ ആണ്‌.ഇതൊക്ക ഒരു സ്പെഷ്യൽ ടേസ്റ്റ് തരും.റേഷൻഅരി ,പൊന്നി അരി ഒക്കെ വെച്ചും ചെയ്യാം.എന്നാലും പച്ചരി ആണ്‌ അടിപൊളി.കുട്ടികൾക്ക് നല്ലതായി ഇഷ്ടമാകും.ഒരു കറി ഒന്നും ആവശ്യമില്ല .വെറുതെ കഴിക്കാൻ പോലും സൂപ്പർ ആണ്‌ .ബെസ്റ്റ് കോമ്പിനേഷൻ ബീഫ്‌ കറി ആണ്‌ .