കൂന്തൾ നിറച്ചത്
ആവശ്യമായ ചേരുവകൾ:
കൂന്തൾ- ആറെണ്ണം
മഞ്ഞൾപ്പൊടി- ഒറു ചെറിയ സ്പൂൺ
മുളകുപൊടി- ഒരു ചെറിയ സ്പൂൺ
ഉപ്പ്- പാകത്തിന്
വെളിച്ചെണ്ണ- ഒരു വലിയ സ്പൂൺ
വെളുത്തുള്ളി ചതച്ചത്- ഒരു വലിയ സ്പൂൺ
സവാള- ഒരു ചെറുത്, പൊടിയായി അരിഞ്ഞത്
കശ്മീരി മുളകുപ്പൊടി- ഒന്നര ചെറിയ സ്പൂൺ
മല്ലിപ്പൊടി- ഒരു ചെറിയ സ്പൂൺ
തേങ്ങ ചിരകിയത്- കാൽ കപ്പ്
കുരുമുളകുപൊടി- അര ചെറിയ സ്പൂൺ
പാകം ചെയ്യുന്ന വിധം
ആദ്യം കൂന്തൾ നന്നായി വൃത്തിയാക്കിയ ശേഷം തലഭാഗം ചെറുതായി അരിഞ്ഞ് മാറ്റി വെക്കുക. ശേഷം ഒരു പാൻ ചൂടാക്കി വെളിച്ചെണ്ണ ഒഴിച്ച് അതിലേക്ക് ചെറുതായി അരിഞ്ഞുവെച്ച വെളുത്തുള്ളിയും പച്ചമുളകും ഇഞ്ചിയും സവാളയും ചേർത്ത് നന്നായി വഴറ്റുക. ചെറിയ തക്കാളിയുടെ പകുതിയും ചേർക്കുക. ഒന്ന് വാടിവരുമ്പോൾ മല്ലിപ്പൊടി, മുളകുപൊടി, മഞ്ഞൾപ്പൊടി, ഉപ്പ് തുടങ്ങിയവ ചേർത്തുകൊടുക്കുക. മസാലകളുടെ പച്ചമണം മാറുന്നതുവരെ വഴറ്റുക. അതിലേക്ക് അരിഞ്ഞ് മാറ്റിവെച്ചിരിക്കുന്ന കൂന്തളിന്റെ തല ചേർത്ത് അടച്ചുവെച്ച് വേവിക്കുക. ശേഷം ചിരകിയ അരകപ്പ് തേങ്ങ ചേർത്തിളക്കുക. നന്നായി വെന്ത ശേഷം. തീ ഓഫ് ചെയ്യുക. ഫില്ലിങ് റെഡി.
ഇനി കഴുകി മാറ്റിവെച്ച കൂന്തളിലേക്ക് തയ്യാറാക്കിയ മിശ്രിതം നിറച്ചുകൊടുക്കുക. കൂന്തളിന്റെ അറ്റത്തായി ഒരു സ്റ്റിക് കൊണ്ട് കുത്തിവെച്ചുകൊടുത്ത ശേഷം ആവിയിൽ വേവിച്ചെടുക്കുക.
ഒരു പാത്രത്തിൽ മുളകുപൊടി, മല്ലിപ്പൊടി, ഉപ്പും, കുറച്ച് വെള്ളവും ചേർത്ത് ഒരു പേസ്റ്റ് രൂപത്തിൽ തയ്യാറാക്കിയ ശേഷം ആവിയിൽ വേവിച്ച കുന്തൾ മുഴുവനായും മസാല പുരട്ടിക്കൊടുക്കുക. ശേഷം ഒരു പാനിൽ കുറച്ച് വെളിച്ചെണ്ണ ഒഴിച്ച് പൊരിച്ചെടുക്കുക. കൂന്തൾ നിറച്ചത് റെഡി.