സുല്‍ത്താന്‍ബത്തേരിയിൽ 7.71 ഗ്രാം ഹാഷിഷുമായി തമിഴ്‌നാട് സ്വദേശി പോലീസ് പിടിയിൽ. കോയമ്പത്തൂര്‍ രാമനാഥപുരം പുളിയംകുളം ലാന്‍ഡ് മാര്‍ക്ക് ശാരദ അപ്പാര്‍ട്ട്‌മെന്റില്‍ താമസിക്കുന്ന ഫഹീം അഹമ്മദി (33) നെയാണ് ബത്തേരി പോലീസും ജില്ല ലഹരിവിരുദ്ധ സ്‌ക്വാഡും ചേര്‍ന്ന് പിടികൂടിയത്.
തിങ്കളാഴ്ച ഉച്ചയോടെയാണ് മുത്തങ്ങ പൊലീസ് എയ്ഡ് പോസ്റ്റിന് സമീപം നടത്തിയ വാഹന പരിശോധനയിലാണ് ഇയാള്‍ പിടിയിലാവുന്നത്. പ്രതി സഞ്ചരിച്ചിരുന്ന കാറും പൊലീസ് കസ്റ്റഡിയിലെടുത്തു. ജില്ലാ ലഹരി വിരുദ്ധ സ്‌ക്വാഡിനൊപ്പം ബത്തേരി സബ് ഇന്‍സ്പെക്ടര്‍ കെ.കെ സോബിന്‍, എ.എസ്.ഐ സുമേഷ്, സീനിയര്‍ സിവില്‍ പോലീസ് ഓഫീസര്‍മാരായ അരുണ്‍ജിത്ത്, സി. ഷൈജു, സിവില്‍ പോലീസ് ഓഫീസര്‍മാരായ അജ്മല്‍ എന്നിവരാണ് പരിശോധന നടത്തിയ പൊലീസ് സംഘത്തിലുണ്ടായിരുന്നത്.
