തട്ടിപ്പുകള്‍ പെരുകുന്ന കാലത്ത് പുതിയ സുരക്ഷാ ഫീച്ചര്‍ അവതരിപ്പിച്ചിരിക്കുകയാണ് വാട്ട്‌സ്‌ആപ്പ് ഇപ്പോള്‍. ഉപഭോക്താക്കള്‍ സംശയാസ്പദമായതും പരിചിതമല്ലാത്തതുമായ ഗ്രൂപ്പുകളില്‍ അംഗമാകുന്നത് തടയുന്നതിനായുള്ള പുതിയ 'സേഫ്റ്റി ഓവര്‍വ്യൂ' ഫീച്ചറാണ് വാട്‌സാപ്പ് അവതരിപ്പിച്ചിരിക്കുന്നത്.കോണ്‍ടാക്റ്റ് ലിസ്റ്റിലില്ലാത്തവർ സംശയാസ്പദമായി ഏതെങ്കിലും ഗ്രൂപ്പുകളില്‍ ഉപയോക്താക്കളെ ചേർത്താല്‍ 'സേഫ്റ്റി ഓവര്‍വ്യൂ' സ്‌ക്രീനില്‍ പ്രത്യക്ഷപ്പെടും.
ഈ ഫീച്ചറിലൂടെ ആരാണ് ഗ്രൂപ്പില്‍ ആഡ് ആക്കിയത് ,ക്രീയേറ്റ് ചെയ്തത് ആരാണ്,എത്ര അംഗങ്ങളുണ്ട് ,തീയതി തുടങ്ങിയ എല്ലാ വിവരങ്ങളും അറിയാൻ സാധിക്കും.ഈ വിവരങ്ങളെല്ലാം മനസിലാക്കിയ ശേഷം ഉപയോക്താവിന് ഗ്രൂപ്പില്‍ തുടരണോ വേണ്ടയോ എന്ന് തീരുമാനിക്കാം.കൂടുതല്‍ വിശദാംശങ്ങള്‍ക്കായി ചാറ്റുകള്‍ പരിശോധിക്കുകയും ചെയ്യാം, ഇനി ഗ്രൂപ്പില്‍ തുടരാൻ താത്പര്യമില്ലെങ്കില്‍ ചാറ്റിലെ സന്ദേശങ്ങളൊന്നും നോക്കാതെ തന്നെ ഗ്രൂപ്പില്‍ നിന്ന് എക്സിറ്റ് ആകാനും സാധിക്കും.
ഇന്ത്യയില്‍ പുതിയ ഫീച്ചർ ഈ ആഴ്ച്ചയോടെ എത്തുമെന്നാണ് കമ്ബനി അറിയിച്ചിരിക്കുന്നത്.ഉപയോക്താക്കളെ തട്ടിപ്പുകളില്‍ നിന്ന് സംരക്ഷിക്കുന്നതിനുള്ള വാട്ട്‌സ്‌ആപ്പിന്റെ തുടർച്ചയായ ശ്രമത്തിന്റെ ഭാഗമാണ് ഈ നീക്കം.ഇത്തരത്തില്‍ സുരക്ഷ വർധിപ്പിക്കുമ്ബോള്‍ സാമ്ബത്തിക നേട്ടങ്ങള്‍ വാഗ്ദാനം ചെയ്യുന്ന സന്ദേശങ്ങള്‍, സംശയാസ്പദമായ നമ്ബറുകയില്‍ നിന്നുള്ള സന്ദേശങ്ങള്‍, എന്നിവ കൈകാര്യം ചെയ്യുന്നതില്‍ ഉപയോക്താക്കള്‍ കൂടുതല്‍ ജാഗ്രത പാലിക്കണമെന്നും മെറ്റ വ്യക്തമാകുന്നു.
