ആവശ്യമുള്ള സാധനങ്ങൾ
ഗോതമ്പുപൊടി - 3 കപ്പ്
ബേക്കിംഗ് പൗഡർ - 3 ടീസ്പൂൺ
പാൽ - 3 കപ്പ്
പഞ്ചസാര - 3 ടേബിൾ സ്പൂൺ
ബട്ടർ ഉരുക്കിയത് - 4 ടേബിൾ സ്പൂൺ
വാനില എസൻസ് - 2 ടീസ്പൂൺ
ഉപ്പ് - 1/2 ടീസ്പൂൺ
ഏത്തപ്പഴം - 2 എണ്ണം(രണ്ടെണ്ണം ഉടച്ചുവയ്ക്കുക)
തേൻ - ആവശ്യത്തിന്
തയ്യാറാക്കുന്ന വിധം
ഒരു ബൗളിലേക്ക് ബേക്കിംഗ് പൗഡറും ഗോതമ്പുപൊടിയും അരിച്ചിടുക. അതിലേക്ക്
പഞ്ചസാരയും ബട്ടറും വാനില എസൻസും,ഉപ്പും ചേർത്തിളക്കുക. ഇനി പാലും ഏത്തപ്പഴം ഉടച്ചതും ഒന്നിച്ചടിച്ച് അതും ചേർത്ത് കലക്കി വയ്ക്കാം.ഒരു നോൺസ്റ്റിക്ക് പാൻ അടുപ്പിൽ വച്ച് ചൂടാക്കി അൽപ്പം ബട്ടർ പുരട്ടി ഇതിലേക്ക് മാവ് കോരിയൊഴിച്ച് തീകുറച്ചുവച്ച് രണ്ട് മിനിറ്റ് ചൂടാക്കി വേവിക്കുക. ഇങ്ങനെ മാവ് തീരുന്നതുവരെ കോരിയൊഴിച്ച് പാൻകേക്ക് ചുട്ടെടുക്കാം. മുകളിൽ തേൻ ഒഴിച്ച് വിളമ്പാം.
