വാട്‌സ്ആപ്പ് പ്രേമികൾക്ക് പുതിയ ഫീച്ചറുമായി മെറ്റ. പുതിയ സ്റ്റാറ്റസ് അലർട്ട് നൽകുന്നതാണ് പുതിയ ഫീച്ചർ. നിങ്ങൾ തെരഞ്ഞെടുത്തിട്ടുളള കോൺടാക്റ്റുകൾ പുതിയ സ്റ്റാറ്റസ് പോസ്റ്റ് ചെയ്യുമ്പോൾ അലേർട്ട് നൽകുന്ന ഒരു ഫീച്ചറാണ് ഇനി വരാൻ പോകുന്നത്.
ഈ പുതിയ ഫീച്ചർ വഴി ആവശ്യമുള്ള തെരഞ്ഞെടുത്ത കോൺടാക്റ്റുകളുടെ സ്റ്റാറ്റസ് അപ്ഡേറ്റുകൾ വരുമ്പോൾ ഉടൻ തന്നെ നോട്ടിഫിക്കേഷനുകൾ ലഭിക്കും. ആൻഡ്രോയ്ഡ് ബീറ്റാ വേർഷനായ 2.24.22.21-ൽ ഈ ഫീച്ചർ ലഭ്യമാണ്.
നിങ്ങൾ അവരുടെ സ്റ്റാറ്റസ് അലേർട്ടുകൾ ഓൺ ചെയ്തിട്ടുണ്ടെന്ന് അവർക്ക് ഒരിക്കലും അറിയാൻ കഴിയില്ല എന്നതാണ് ഏറ്റവും വലിയ പ്രത്യേകത. ഒരു കോൺടാക്റ്റിന്റെ സ്റ്റാറ്റസ് വിൻഡോയിൽ തന്നെ ഇതിനായുള്ള പ്രത്യേക ഓപ്ഷൻ ലഭ്യമാകും.
ഇത് ഓൺ ചെയ്താൽ ആ വ്യക്തി പുതിയ സ്റ്റാറ്റസ് പോസ്റ്റ് ചെയ്യുമ്പോൾ ഉടൻ നോട്ടിഫിക്കേഷൻ ലഭിക്കും. ഈ നോട്ടിഫിക്കേഷനിൽ സ്റ്റാറ്റസ് പോസ്റ്റ് ചെയ്ത ആളുടെ പേരും പ്രൊഫൈൽ ചിത്രവും കാണാൻ സാധിക്കും. ആപ്പ് തുറക്കാതെ തന്നെ ആരാണ് പുതിയ സ്റ്റാറ്റസ് ഇട്ടതെന്ന് മനസ്സിലാക്കാം.
ആവശ്യമില്ലെങ്കിൽ ഈ നോട്ടിഫിക്കേഷനുകൾ ഓഫ് ചെയ്യാനും സാധിക്കും. അതിനായി അതേ സ്റ്റാറ്റസ് വിൻഡോയിൽ പോയി മ്യൂട്ട് നോട്ടിഫിക്കേഷൻ ഓപ്ഷൻ തെരഞ്ഞെടുത്താൽ മതി.