കൊച്ചി: ബ്രിട്ടീഷ് കൗൺസിലും നാഷണൽ ഇന്ത്യൻ സ്റ്റുഡന്റസ് & അലുംമ്‌നി യൂണിയൻ യു.കെ. (നിസാവു)യും സംയുക്തമായി കൊച്ചിയിൽ സ്റ്റുഡന്റ്-എജ്യുക്കേറ്റർ മീറ്റ് - അച്ചീവേഴ്‌സ് ഡയലോഗ് - സംഘടിപ്പിക്കുന്നു. കേരളത്തിൽ ആദ്യമായാണ് ബ്രിട്ടീഷ് കൗൺസിലിന്റെ പിന്തുണയോടെ യു.കെ.-യിൽ ഉന്നതപഠനം ആഗ്രഹിക്കുന്ന വിദ്യാർത്ഥികൾക്കായി വ്യക്തിഗത കരിയർ ഗൈഡൻസ് സെഷൻസും പാനൽ ചർച്ചയും സംഘടിപ്പിക്കുന്നത്. എഡ്‌റൂട്ട്സ് ഇന്റർനാഷണലിന്റെ സഹകരണത്തോടെ മെയ് 3-ന് കൊച്ചി മാരിയറ്റ് ഹോട്ടലിൽ നടക്കുന്ന ഈ ഇവന്റിൽ ശശി തരൂർ എം.പി മുഖ്യാതിഥിയായി പങ്കെടുക്കും.
ലോക യൂണിവേഴ്സിറ്റി റാങ്കിൽ മുന്നിലുള്ള ഇംപീരിയൽ കോളജ് ഉൾപ്പെടെ പ്രമുഖമായ മുപ്പതിലധികം യൂണിവേഴ്റ്റികൾ പങ്കെടുക്കുന്ന മീറ്റിൽ വിദേശത്ത് ഉന്നതപഠനം ആഗ്രഹിക്കുന്ന വിദ്യാർത്ഥികൾക്ക് ആവശ്യമായ കൗൺസിലിങ്ങും മാർഗനിർദേശങ്ങളും ലഭിക്കും. ബ്രിട്ടീഷ് കൗൺസിൽ, നിസാവു പ്രതിനിധികളും പങ്കെടുക്കും. വിദ്യാർത്ഥികൾക്കും രക്ഷിതാക്കൾക്കുമായി വിദഗ്ദ്ധർ നയിക്കുന്ന പ്രത്യേക വർക്ഷോപ്പും പാനൽ ചർച്ചയും മീറ്റിന്റെ ഭാഗമായി സംഘടിപ്പിച്ചിട്ടുണ്ട്.
യു.കെ പഠനത്തിനായി ലഭിക്കുന്ന 1000-ൽ അധികം സ്‌കോളർഷിപ്പുകളെ കുറിച്ച് അറിയാനും ജോലി സാധ്യത കൂടുതലുള്ള കോഴ്‌സുകൾ, ഇന്റേൺഷിപ്പുകൾ തുടങ്ങി കാര്യങ്ങളും വിദഗ്ദ്ധരുമായി നേരിട്ട് സംസാരിക്കാനും സംശയനിവാരണം നടത്തുവാനും കഴിയും. ക്യാംപസ് ലൈഫ്, ചെലവുകുറഞ്ഞ താമസ സൗകര്യം, പഠനാന്തരീക്ഷം, തുടങ്ങിയവയെ കുറിച്ച് അലുംമ്‌നിയിൽ നിന്ന് നേരിട്ട് മനസിലാക്കാനുമുള്ള സുവർണാവസരമാണ് ബ്രിട്ടീഷ് കൗൺസിൽ,നിസാവു , എഡ്റൂട്ട് എന്നിവർ സംയുക്തമായി ഒരുക്കിയിരിക്കുന്നത്. യു.കെ. യിലെ ഉന്നതപഠനവുമായി ബന്ധപ്പെട്ട് ഒട്ടനവധി തെറ്റിധാരണകളും വ്യാജപ്രചരണങ്ങളും നടക്കുന്ന സാഹചര്യത്തിൽ വിദ്യാർത്ഥി സമൂഹത്തെയും രക്ഷിതാക്കളെയും ബോധവത്കരിക്കുകയാണ് പരിപാടിയുടെ ലക്ഷ്യം. കൂടുതൽ വിവരങ്ങൾക്ക് -9946755333,0484 2941333.