മൊബൈൽ ഫോണുകൾ , ലാപ്‌ടോപ്പുകൾ, സ്മാർട്ട് വാച്ചുകൾ, ഹെഡ്‌ഫോണുകൾ, ഇ-ബൈക്കുകൾ തുടങ്ങി റീചാർജ് ചെയ്യാവുന്ന ഇലക്ട്രോണിക് ഉപകരണങ്ങളാൽ ചുറ്റപ്പെട്ട ലോകത്താണ് ഇന്ന് നമ്മൽ ജീവിക്കുന്നത്. ഇതിനെല്ലാമൊപ്പം ചാർജറും കാണും. അതുകൊണ്ടു തന്നെ ഫൊണ കവിഞ്ഞാൽ നമ്മുടെ ജീവിതത്തോട് ഏറ്റവും അടുത്തുനിൽക്കുന്നത് ചാർജർ തന്നെയാകും.
നിങ്ങളുടെ കിടക്കയ്ക്ക് സമീപം ഒരു ഫോൺ ചാർജർ പ്ലഗ് ഇൻ ചെയ്‌തിരിക്കാം, അത് ഭിത്തിയിൽ വെച്ച് ഓഫ് ചെയ്യാനോ ഉപയോഗത്തിലില്ലാത്തപ്പോൾ പ്ലഗ് ഊരാനോ മെനക്കേടാറില്ല. ഫോണിന്റെ ചാർജർ കിടക്കയ്ക്കടുത്ത്, ലാപ്‌ടോപിന്റെ ചാർജർ ടേബിളിനടുത്ത് എല്ലാം താമസമാക്കിയിട്ട് കാലങ്ങൾ കഴിഞ്ഞിട്ടുണ്ടാകും. എന്നാൽ ഇത് അത്ര നല്ലതല്ലെന്ന് നിങ്ങൾക്കറിയാമോ ? സ്വിച്ച് ഓഫ് ചെയ്താലും ചാർജറുകൾ പ്ലഗ് പോയിന്റിൽ തന്നെ വയ്ക്കുമ്പോൾ ചില പ്രശ്നങ്ങൾ ഉണ്ടാവും.
സ്വാഭാവികമായും, എല്ലാ ചാർജറുകളും ഒരുപോലെയല്ല. ആപ്ലിക്കേഷനും വൈദ്യുതി ആവശ്യകതയും അനുസരിച്ച്, അവയുടെ ആന്തരിക ഘടന വളരെ ലളിതം മുതൽ സങ്കീർണ്ണമായത് വരെ വ്യത്യാസപ്പെടാം. വാൾ പ്ലഗിൽ നിന്ന് എസി (ആൾട്ട് കറന്റ്) എടുക്കുകയും, അതിനെ ഇലക്ട്രോണിക് ഉപകരണത്തിന്റെ ബാറ്ററിക്ക് ആവശ്യമായ ലോ-വാൾട്ടേജ് ഡിസി (ഡയറക്ട് കറന്റ്) ആക്കി മാറ്റുകയും ചെയ്യുന്നതാണ് സാധാരണ ചാർജറുകളുടെ പ്രവർത്തനം.
“വാമ്പയർ പവർ” എന്നത് യഥാർത്ഥമാണ്. സ്വിച്ച് ഓൺ ചെയ്യാതെ ചാർജർ പ്ലഗിൽ കുത്തിയിട്ടുണ്ടെങ്കിൽ അത് സ്വാഭാവികമായും ചെറിയ അളവിൽ കറന്റ് വലിച്ചുകൊണ്ടിരിക്കും. ‘ഈ വൈദ്യുതിയുടെ ഒരു ഭാഗം താപമായി പുറത്ത് വിടുകയും ചെറിയ ഭാഗം നിയന്ത്രിത, സംരക്ഷിത സർക്യൂട്ടുകളുടെ പ്രവർത്തനത്തിന് ഉപയോഗിക്കുകയും ചെയ്യുന്നു.
ഒരു മൊബൈൽ ചാർജറോ, ലാപ്‌ടോപ് ചാർജറോ മാത്രം ഇത്തരത്തിൽ പ്ലഗ് ചെയ്ത് വച്ചിരുന്നാൽ ഉണ്ടാകുന്ന വൈദ്യുതി നഷ്ടം വളരെ കുറഞ്ഞ അളവിലായിരിക്കും, എന്നാൽ ഒരു വീട്ടിലെ മുഴുവൻ ഉപകരണങ്ങളും ഇങ്ങനെ പ്ലഗിൽ കുത്തിവയ്ക്കുമ്പോൾ ഉണ്ടാകുന്ന വൈദ്യുത നഷ്ടം പ്രതീക്ഷിച്ചതിലും അപ്പുറമായിരിക്കും. ചാർജറുകൾ മാത്രമല്ല, ടിവി, മിക്‌സി, ഫ്രിഡ്ജ് തുടങ്ങിയ എല്ലാ വൈദ്യുത ഉപകരണങ്ങൾക്കും വാമ്പയർ പവർ ഉണ്ടായിരിക്കും.
ആധുനിക ചാർജറുകൾ സ്റ്റാൻഡ്‌ബൈ പവർ ഉപഭോഗം കുറയ്ക്കുന്നതിനാണ് രൂപകൽപ്പന ചെയ്തിരിക്കുന്നത്. ഒരു ബാഹ്യ ഉപകരണം പവർ എടുക്കാൻ ശ്രമിക്കുന്നതുവരെ അവയെ സ്ലീപ്പ് മോഡിൽ നിലനിർത്തുന്ന സ്മാർട്ട് പവർ മാനേജ്‌മെന്റ് ഘടകങ്ങളുമായാണ് ഈ ചാർജറുകൾ എത്തിയിരിക്കുന്നത്. വൈദ്യുതി പ്രവഹിക്കുമ്പോൾ, പ്രത്യേകിച്ച് വൈദ്യുതി ഗ്രിഡ് വോൾട്ടേജ് അതിന്റെ റേറ്റുചെയ്ത മൂല്യത്തിന് മുകളിൽ താൽക്കാലികമായി ഉയരുമ്പോൾ, ചാർജറുകൾ കാലക്രമേണ തേയ്മാനം സംഭവിക്കുന്നു. വാമ്പയർ പവറിലൂടെ ചാർജറിലെത്തുന്ന വൈദ്യുതി താപമായി പുറത്തെത്തുമ്പോൾ ചാർജർ ചൂടാകുന്നതാണ് ഒരു കാരണം. ചാർജർ സാധാരണയിലധികം ചൂടാവുകയോ, കേടുപാടുകൾ സംഭവിക്കുകയോ ചെയ്താൽ ഉടൻ മാറ്റി വാങ്ങുന്നതാകും നല്ലത്.