ഉണ്ടാക്കാം രുചികരമായ വെള്ളയപ്പം

    വറുത്ത അരിപ്പൊടി – 4 കപ്പ്‌
    ചെറുചൂടുവെള്ളം – 1 കപ്പ്‌
    വെള്ളം – 2+1 കപ്പ്‌
    യീസ്റ്റ് – ½ ടീസ്പൂൺ
    പഞ്ചസാര – 2 ടേബിൾസ്പൂൺ
    തേങ്ങ ചിരണ്ടിയത് – 2 കപ്പ്‌
    ഉപ്പ് – ആവശ്യത്തിന്
    ഒരു കപ്പ്‌ ചെറുചൂട് വെള്ളത്തിൽ യീസ്റ്റും പഞ്ചസാരയും ചേർത്ത് 30 മിനിറ്റ് നേരം വയ്ക്കുക. (വെള്ളത്തിന്റെ ചൂട് കൂടാതിരിക്കാൻ ശ്രദ്ധിക്കുക)
     അരിപ്പൊടി 2 കപ്പ്‌ വെള്ളത്തിൽ കലക്കി, തുടർച്ചയായി ഇളക്കി 4 മിനിറ്റ് തിളപ്പിച്ച ശേഷം തണുക്കാൻ വയ്ക്കുക.
    തണുത്ത ശേഷം ഈ മിശ്രിതവും, ബാക്കിയുള്ള അരിപ്പൊടിയും, യീസ്റ്റ് ചേർത്ത വെള്ളവും, ചിരണ്ടിയ തേങ്ങയും, ഉപ്പും, ഒരു കപ്പ്‌ വെള്ളവും യോജിപ്പിച്ച് നന്നായി അരച്ചെടുക്കുക.
    മാവ് 8 മണികൂർ ചൂടുള്ള അന്തരീക്ഷത്തിൽ പുളിയ്ക്കാൻ വയ്ക്കുക.
    ഒരു നോൺ-സ്റ്റിക്ക് പാൻ ചൂടാക്കി മാവൊഴിച്ച് പരത്തി (രണ്ട് ദോശയുടെ കനത്തിൽ) ഇരുവശവും മറിച്ചിട്ട് ചുട്ടെടുക്കുക.