തിരുവനന്തപുരം: ശബരിമല സ്വർണ്ണക്കവർച്ചയിൽ ഹൈക്കോടതി പരമാർശം നേരിട്ട ദേവസ്വം ബോർഡ് പ്രസിഡൻറ് പി. എസ്പ്രശാന്ത് പ്രതിപക്ഷ നേതാവിനെതിരെ വെല്ലുവിളിയുമായി രംഗത്ത്. തൻ്റെ സ്വത്തു വിവരങ്ങൾ പരസ്യമാക്കാം.തനിക്ക് മൂന്നു അക്കൗണ്ടുകളണ്ട്.മൂന്നു ലക്ഷം ആസ്‌തിയുണ്ട്.
വിഡി സതീശൻ സ്വത്ത് വെളിപ്പെടുത്താൻ തയ്യാറാണോയെന്ന് അദ്ദേഹം ചോദിച്ചു. ആരാണ് കോടിശ്വരനെന്ന് അപ്പോൾ അറിയാം. പോറ്റി തൻ്റെ വീടിൻ്റെ പാലുകാച്ചലിന് വന്നുവെന്ന് തെളിയിക്കാൻ വെല്ലുവിളിക്കുന്നു. താനിപ്പോൾ സിപിഎമ്മിലാണ് കോൺഗ്രസിലല്ല.എല്ലാ കണക്കും പാർട്ടിക്ക് നൽകിയിട്ടുണ്ട്.വായ്പയെടുത്താണ് വീട് വച്ചത്.ഭാര്യയുടെ കുടുംബസ്വത്ത് വിറ്റാണ് ഭൂമിവാങ്ങിയതെന്നും അദ്ദേഹം കൂട്ടിച്ചേർത്തു.
