വിദേശവിനിമയ ചട്ടലംഘനം ; പേടിഎമ്മിന് നോട്ടീസ് അയച്ച് ഇഡി

വിദേശവിനിമയ ചട്ടലംഘനം ആരോപിച്ച് പേടിഎമ്മിന് ഇഡി കാരണം കാണിക്കൽ നോട്ടീസ് അയച്ചു. 611 കോടി രൂപയുടെ ചട്ടം ലംഘിച്ചെന്ന് ആരോപിച്ച് ഡിജിറ്റൽ പെയ്മെന്റ് ആപ്പായ പേടിഎമ്മിന്റെ മാതൃകമ്പനിയായ വൺ 97 കമ്യൂണിക്കേഷൻസിനും (ഒ.സി.എൽ) രണ്ട് അനുബന്ധ കമ്പനികൾക്കുമാണ് നോട്ടീസ് നൽകിയിരിക്കുന്നത്.

അതേസമയം ഫോറിൻ എക്സ്ചേഞ്ച് മാനേജ്മെന്റ് ആക്ട് (ഫെമ) പ്രകാരമുള്ള വ്യവസ്ഥകളുടെ ലംഘനം ചൂണ്ടിക്കാട്ടിയാണ് നോട്ടീസെന്ന് ഒ.സി.എൽ വെളിപ്പെടുത്തി. ഒ.സി.എല്ലിൽ 245 കോടിയും അനുബന്ധ സ്ഥാപനങ്ങളായ ലിറ്റിൽ ഇന്റർനെറ്റിൽ 345 കോടിയുടേയും നിയർബൈ ഇന്ത്യയിൽ 20.9 കോടിയുടേയും നിയലംഘനമാണ് ഉണ്ടായിരിക്കുന്നത്.