തിരുവനന്തപുരം: സംസ്ഥാനത്ത് കുതിച്ചുയർന്ന് സ്വർണവില. തുടർച്ചയായി രണ്ട് ദിവസം കുറവ് രേഖപ്പെടുത്തിയതിന് ശേഷമാണ് ഇന്ന് സ്വർണവിലയിൽ വർധനവ് രേഖപ്പെടുത്തിയത്. ഒരു പവൻ സ്വർണത്തിന് 1120 രൂപയാണ് ഇന്ന് വർധിച്ചത്. 74320 രൂപയാണ് ഒരു പവൻ സ്വർണത്തിന് നൽകേണ്ടത്.
ഒരു ഗ്രാം സ്വർണത്തിന് 140 രൂപയുടെ വർധനവാണ് ഉണ്ടായിരിക്കുന്നത്. 9290 രൂപയാണ് ഒരു ഗ്രാം സ്വർണത്തിന്റെ ഇന്നത്തെ വില. സ്വർണത്തിന്റെ രാജ്യാന്തര വില, ഡോളറിനെതിരെ രൂപയുടെ വിനിമയനിരക്ക്, സ്വർണം ഇറക്കുമതി ചെയ്യുന്ന ബാങ്കുകളുടെ നിരക്ക്, കസ്റ്റംസ് ഡ്യൂട്ടി എന്നിവയാണ് സ്വർണത്തിന്റെ വില നിർണയിക്കുന്നതിന്റെ അടിസ്ഥാന ഘടകങ്ങൾ.
