ദുബായ് സിലിക്കണ്‍ സെന്‍ട്രല്‍ മാളിലെ ലുലു ഹൈപ്പര്‍മാര്‍ക്കറ്റ് സന്ദര്‍ശിച്ച് യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂം. ഒരു മണിക്കൂറിലേറെ സിലിക്കണ്‍ സെന്‍ട്രല്‍ മാളില്‍ അ?ദേഹം സന്ദര്‍ശനം നടത്തി.
വൈകിട്ട് ആറ് മണിയോടെയാണ് ഹിസ് ഹൈനസ് ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂം ലുലുവിലെത്തിയത്. ഗ്രോസറി, ഹൗസ്‌ഹോള്‍ഡ്, റോസ്ട്രി, ഹോട്ട് ഫുഡ്, ബുച്ചറി, ഫിഷ്, ഗാര്‍മെന്റ്‌സ്, സ്റ്റേഷനറി വിഭാ?ഗങ്ങള്‍ സന്ദര്‍ശിച്ച അദേഹം റിയോയിലും ഏറെ നേരം ചിലവഴിച്ചു.
അപ്രതീക്ഷിതമായി ഹിസ് ഹൈനസ് ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂമിനെ അടുത്ത് കാണാനായതിന്റെ സന്തോഷത്തിലായിരുന്നു ലുലുവിലെത്തിയ ഉപഭോക്താക്കള്‍. പലര്‍ക്കും സെല്‍ഫി എടുക്കാനും മൊബൈലില്‍ ദൃശ്യങ്ങള്‍ പകര്‍ത്താനുമായി.
തുടര്‍ന്ന് ഫുഡ് കോര്‍ട്ടിലും ഷെയ്ഖ് മുഹമ്മദ് ബിന്‍ റാഷിദ് അല്‍ മക്തൂം സന്ദര്‍ശനം നടത്തി. സായുധ കാവലുകളില്ലാതെയാണ് അദേഹം ജനങ്ങള്‍ക്കിടയിലേക്ക് ഇറങ്ങി ചെന്നത്. ജീവനക്കാര്‍ക്കും മറക്കാനാവാത്ത നിമിഷങ്ങളായിരുന്നുവിത്. അപ്രതീക്ഷിതമായി ജനമധ്യത്തിലേക്ക് കടന്നുചെന്ന് അദ്ദേഹം ജനങ്ങളെ അത്ഭുതപ്പെടുത്തുകയാണ്.