കാജോളും പൃഥ്വിരാജും പ്രധാന വേഷങ്ങളിലെത്തുന്ന പുതിയ ചിത്രം സര്‍സമീനിന്റെ അനൗണ്‍സ്‌മെന്റ് വീഡിയോ പങ്കുവെച്ച് അണിയറപ്രവർത്തകർ. ജിയോ ഹോട്ട്സ്റ്റാറിലൂടെയാണ് വീഡിയോ പുറത്തുവിട്ടിരിക്കുന്നത്. കയോസ് ഇറാനി സംവിധാനം ചെയ്യുന്ന ചിത്രം ധര്‍മ്മ പ്രൊഡക്ഷന്‍സ് ആണ് നിര്‍മ്മിക്കുന്നത്. ജൂലൈ 25 നാണ് സിനിമ റിലീസ് ചെയ്യുന്നത്.
ഒരു മിനിറ്റിലധികം ദൈർഘ്യമുള്ള വീഡിയോയിൽ പൃഥ്വിരാജിനേക്കാൾ അത്ഭുതപ്പെടുത്തിയിരിക്കുന്നത് സെയ്ഫ് അലി ഖാന്റെ മകനായ ഇബ്രാഹിം ആണ്. സിനിമയിൽ വില്ലൻ വേഷത്തിലാണ് ഇബ്രാഹിം എത്തുന്നത്. നാദാനിയാന്‍ എന്ന ചിത്രത്തിലൂടെയായിരുന്നു ഇബ്രാഹിം വെള്ളിത്തിരയിൽ അരങ്ങേറ്റം കുറിച്ചിരുന്നത്.
ഈ സിനിമയുടെ റിലീസിന് പിന്നാലെ ഇബ്രാഹിമിന് ലഭിച്ചത് വമ്പൻ ട്രോളുകളാണ്, ഇവന് അഭിനയിക്കാൻ അറിയില്ലെന്ന് വരെ സോഷ്യൽ മീഡിയയിൽ വിമർശനം ഉയർന്നിരുന്നു. എന്നാൽ സർസമീന്റെ ഫസ്റ്റ് ലുക്കിന് പിന്നലെ കിളി പോയി ഇരിക്കുകയാണ് പ്രേക്ഷകർ. ഗെറ്റപ്പിലും കാഴ്ചയിലും എല്ലാം തികഞ്ഞ വില്ലൻ എന്നാണ് ഇബ്രാഹിനെ പ്രേക്ഷകർ പറയുന്നത്.