മട്ടന്നൂർ: കണ്ണൂർ വിമാനത്താവളത്തിലെ റോഡിൽ സിഗ്നൽ ലൈറ്റ് കണ്ണടച്ചു. വിമാനതാവളത്തിൻ്റെ ഒന്നാം ഗേറ്റിൽ സ്ഥാപിച്ച സിഗ്നൽ ലൈറ്റാണ് കഴിഞ്ഞ ഒരു മാസമായി പ്രവർത്തിക്കാത്തത്. ഇതുകാരണം യാത്രക്കാർ അപകട ഭീഷണിയിലാണ് ' അഞ്ചരക്കണ്ടി -മട്ടന്നൂർ റോഡിലൂടെ കടന്നുപോകുന്ന വാഹനങ്ങളും വിമാനതാവളത്തിലേക്ക് പോയി മടങ്ങുന്ന വാഹനങ്ങളും അമിത വേഗതയിലൂടെയാണ് ഇതുവഴി സഞ്ചരിക്കുന്നത്.
Trending :
പലപ്പോഴും തലനാരിഴയ്ക്കാണ് വലിയ അപകടങ്ങൾ ഒഴിവാകുന്നത്. ഇതുകൂടാതെ നിരവധി സ്വകാര്യ ബസുകളും സ്കൂൾ വാഹനങ്ങളും ഇതുവഴി സഞ്ചരിക്കുന്നുണ്ട്. കാൽനടയാത്രക്കാരും മട്ടന്നൂർ വായാന്തോടിലേക്ക് ഇതുവഴിയാണ് പോകുന്നത്. സിഗ്നൽ ലൈറ്റ് എത്രയും പെട്ടെന്ന് അറ്റകുറ്റപണി നടത്തി പുന:സ്ഥാപിക്കണമെന്നാണ് യാത്രക്കാരുടെ ആവശ്യം.