കാറിൻ്റെ അമിത വേഗം മൂന്ന് വയസുകാരിയുടെ ജീവനെടുത്തു; കണ്ണൂർ പയ്യാവൂരിൽ നാടിനെ നടുക്കിയ അപകട മരണം

പയ്യാവൂർ: അമിതവേഗതകാരണം കാർ നിയന്ത്രണം വിട്ടതാണ് പയ്യാവൂർ ചമതച്ചാലിൽ മൂന്നുവയസായ കുട്ടി നോറയുടെ മരണത്തിന് ഇടയാക്കിയതെന്ന് പൊലിസ് ' അമ്മയുടെ അമ്മ ഷിജിയോടൊപ്പം റോഡരികിലൂടെ നടന്നുപോകുകയായിരുന്നു കുട്ടി.പയ്യാവൂർ ചമതച്ചാൽ ഒറവക്കുഴിയിൽ ഒ.എൽ.അബ്രഹാം-ഷിജി ദമ്പതികളുടെ മകൾ അനുവിന്റെയും കാസർഗോഡ് കള്ളാർ പറയാകോണത്ത്  സോയി എന്നിവരുടെ ഏക മകളാണ് മരിച്ച നോറ.

നോറയുടെ മാതാപിതാക്കളായ അനുവും സോയിയും വിദേശത്താണ്.അമ്മൂമ്മ ഷിജിക്കും അപകടത്തിൽ പരിക്കേറ്റു. ഇന്നലെ വൈകുന്നേരം ആറരയോടെയായിരുന്നു സംഭവം. കാർ ഡ്രൈവർക്കെതിരെ പയ്യാവൂർ പൊലിസ് കേസെടുത്തിട്ടുണ്ട്.