മയ്യിൽ : സ്വകാര്യ ബസിടിച്ച് ബൈക്ക് യാത്രക്കാരായ രണ്ടു പേർക്ക് പരുക്കേറ്റു.കണ്ണൂരിൽ നിന്ന് കണ്ടക്കൈക്കടവ് ഭാഗത്തേക്ക് പോകുന്ന മലബാർ ബസ്സും മയ്യിൽ നിന്ന് കൊളച്ചേരി ഭാഗത്തേക്ക് പോകുകയായിരുന്ന ബൈക്കുമാണ് ഇന്ന് രാവിലെ അപകടത്തിൽപ്പെട്ടത്.
മയ്യിൽ വേളം മഹാഗണപതി ക്ഷേത്രം പാരമ്പര്യ ഊരാളൻ മാക്കന്തേരി ഇല്ലത്ത് ദാമോദരൻ നമ്പൂതിരി, വേളം ക്ഷേത്രം ജീവനക്കാരൻ മാക്കന്തേരി ഇല്ലത്ത് പ്രദീപൻ നമ്പൂതിരി എന്നിവർക്കാണ് പരുക്കേറ്റത്. ഇരുവരെയും കണ്ണൂരിലെ സ്വകാര്യ ആശുപത്രിയിൽ പ്രവേശിപ്പിച്ചിട്ടുണ്ട്. ഇടിയുടെ ആഘാതത്തിൽ ബൈക്ക് ഭാഗികമായി തകർന്നു.
