ആവശ്യമുളള സാധനങ്ങൾ
കപ്പ - ഒരു കിലോ
ബീഫ് എല്ലോടു കൂടിയത് - ഒരു കിലോ
ഇഞ്ചി ചതച്ചത് - ഒരു വലിയ കഷണം
വെളുത്തുള്ളി ചതച്ചത് - 20 അല്ലി
സവാള - രണ്ടെണ്ണം
ചുവന്നുള്ളി - അഞ്ചെണ്ണം
മല്ലിപ്പൊടി - രണ്ട് ടേബിൾ സ്പൂൺ
മുളകുപൊടി - ഒരു ടേബിൾ സ്പൂൺ
മഞ്ഞൾപൊടി- അര ടീസ്പൂൺ
ഇറച്ചി മസാല - രണ്ട് ടേബിൾ സ്പൂൺ
കുരുമുളക് - ഒരു ടീസ്പൂണ്
ഗരം മസാല പൊടിച്ചത് - ഒരു ടീസ്പൂൺ്
ഉപ്പ്- പാകത്തിന്
കറിവേപ്പില- മൂന്ന് തണ്ട്
വെളിച്ചെണ്ണ- ഒരു ടേബിൾ സ്പൂൺ
കടുക് - ഒരു ടീസ്പൂൺ
തയ്യാറാക്കുന്ന വിധം
ബീഫ് കഴുകി പാകത്തിന് ഉപ്പ് അര ടേബിൾ സ്പൂൺ മുളക് പൊടി ഒരു ടേബിൾ സ്പൂൺ മല്ലിപ്പൊടി അര ടീസ്പൂൺ കുരുമുളക് പൊടി കാൽ ടീസ്പൂൺ മഞ്ഞൾ പൊടി, അര ടീസ്പൂൺ, ഗരം മസാല അൽപം ഉപ്പ് എന്നിവ തിരുമ്മി അരമണിക്കൂർ വയ്ക്കുക. ശേഷം ചെറിയ തീയിൽ 20 മിനിട്ട് കുക്കറിൽ വെള്ളം ചേർക്കാതെ വേവിക്കുക.
കപ്പ നുറുക്കി ഉപ്പിട്ട് പകുതി വേവിച്ചെടുക്കുക. ശേഷം വെള്ളം ഊറ്റിക്കളഞ്ഞ് വയ്ക്കുക. ഫ്രയിംഗ് പാനിൽ ആവശ്യത്തിനു എണ്ണ ചൂടാക്കി സവാള , വെളുത്തുള്ളി , കറിവേപ്പില, ഇഞ്ചി ചതച്ചത് എന്നിവ വഴറ്റി ബാക്കിയിരിക്കുന്ന മസാലകളും എല്ലാം ചേർത്തു നന്നായി മൂപ്പിച്ചെടുക്കുക. വേവിച്ചു വെച്ചിരിക്കുന്ന ബീഫും , വഴറ്റി വെച്ചിരിക്കുന്ന മസാലക്കൂട്ടും കപ്പയിലേക്ക് ചേർത്തു നന്നായി ഇളക്കി ചെറു തീയിൽ മൂടി വെച്ച് വേവിക്കുക. ഒരു ഫ്രയിംഗ് പാനിൽ ആവശ്യത്തിനു എണ്ണ ചൂടാക്കി കടുക് , കറിവേപ്പില, ചുവന്നുള്ളി എന്നിവ താളിച്ച് കപ്പയിലേക്ക് ചേർത്തു നന്നായി ഇളക്കി യോജിപ്പിച്ചെടുക്കുക..