കോട്ടയം: സഹോദരിയോടൊപ്പം വീടിനുള്ളില്‍ കളിക്കവെ കഴുത്തില്‍ തോര്‍ത്ത് കുരുങ്ങിയതിനെത്തുടര്‍ന്ന് ഒന്‍പതാം ക്ലാസ് വിദ്യാര്‍ഥി മരിച്ചു.കാഞ്ഞിരപ്പള്ളി മഞ്ഞപ്പള്ളി വേലിത്താനത്തുകുന്നേല്‍ സുനീഷിന്റെ മകൻ വി.എസ്. കിരണ്‍ (14) ആണ് മരിച്ചത്. തിടനാട് പഞ്ചായത്തിലെ അമ്ബാറനിരപ്പേല്‍ ഭാഗത്ത് കുട്ടികളുമായി വാടകയ്ക്ക് താമസിക്കുകയായിരുന്നു റോഷ്നി. കുട്ടികള്‍ വീടിനുള്ളില്‍ തുണിയിടുന്ന അയയില്‍ തോർത്ത് കെട്ടിയാടി കളിക്കുകയായിരുന്നു.
ഇതിനിടെ കിരണിന്റെ കഴുത്തില്‍ തോർത്ത് കുരുങ്ങുകയായിരുന്നുവെന്ന് പൊലീസ് പറഞ്ഞു.സംഭവസമയത്ത് അമ്മ കുളിക്കുകയായിരുന്നു. ഉടനെ ഈരാറ്റുപേട്ടയിലെ സ്വകാര്യ ആശുപത്രിയിലും തുടർന്ന് ചേർപ്പുങ്കിലെ സ്വകാര്യ ആശുപത്രിയിലും പ്രവേശിപ്പിച്ചെങ്കിലും ഞായറാഴ്ച മരിച്ചു.
