ദേശീയപാതയിലെ വാഹനാപകടത്തിൽ രണ്ട് പേർ മരിച്ചു.കെഎസ്ആർടിസി ബസും ഓട്ടോറിക്ഷയും കൂട്ടിയിടിച്ചാണ് അപകടമുണ്ടായത്. ഓട്ടോ ഡ്രൈവറും യാത്രക്കാരനുമാണ് മരിച്ചത്.കോഴിക്കോട് – പാലക്കാട് ദേശീയപാതയിൽ രാത്രി 8.15ന് ആയിരുന്നു സംഭവം.പാലക്കാട് ജില്ലയിലെ മണ്ണാർക്കാടിന് സമീപം തച്ചമ്പാറയ്ക്കടുത്ത് ഇടയ്ക്കലിൽ ആണ് അപകടം നടന്നത്.
അയ്യപ്പൻകുട്ടി, അസീസ് എന്നിവരാണ് മരിച്ചത്. ഇവർ തൃക്കല്ലൂർ സ്വദേശികളാണ്രാത്രി 8.15ന് ആയിരുന്നു സംഭവം.കോഴിക്കോട് ഭാഗത്തേക്ക് പോകുകയായിരുന്ന കെഎസ്ആർടിസി ബസ് ദേശീയപാതയിൽ നിന്ന് പോക്കറ്റ് റോഡിലേക്ക് പ്രവേശിക്കുകയായിരുന്ന ഓട്ടോറിക്ഷയിൽ ഇടിച്ച് കയറുകയായിരുന്നു. അപകടത്തിൽ ഓട്ടോറിക്ഷ പൂർണമായും തകർന്നു. അസീസിനേയും അയ്യപ്പൻകുട്ടിയേയും മണ്ണാർക്കാടുള്ള സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല.
