പ്രയാഗ്‌രാജില്‍ അടുത്തിടെ സമാപിച്ച മഹാ കുംഭമേളയിലെ ജലത്തിന്റെ ഗുണനിലവാരം കുളിക്കാന്‍ അനുയോജ്യമാണെന്ന് സ്ഥിതിവിവരക്കണക്ക് വിശകലനം അനുസരിച്ച്, കേന്ദ്ര മലിനീകരണ നിയന്ത്രണ ബോര്‍ഡ് ദേശീയ ഹരിത ട്രൈബ്യൂണലില്‍ സമര്‍പ്പിച്ച പുതിയ റിപ്പോര്‍ട്ടില്‍ പറയുന്നു.
ഒരേ സ്ഥലങ്ങളില്‍ നിന്ന് വ്യത്യസ്ത തീയതികളിലും ഒരേ ദിവസം വ്യത്യസ്ത സ്ഥലങ്ങളിലും ശേഖരിച്ച സാമ്പിളുകളിലെ ‘ഡാറ്റയിലെ വ്യതിയാനം’ കാരണം സ്ഥിതിവിവര വിശകലനം അനിവാര്യമാണെന്ന് കേന്ദ്ര മലിനീകരണ നിയന്ത്രണ ബോര്‍ഡിന്റെ (സിപിസിബി) റിപ്പോര്‍ട്ട് പറയുന്നു, അതിനാലാണ് ഇവ ‘നദിയിലുടനീളമുള്ള മൊത്തത്തിലുള്ള നദീജല ഗുണനിലവാരം’ പ്രതിഫലിപ്പിക്കാത്തത്.
ഫെബ്രുവരി 28-ന് ട്രിബ്യൂണലിന്റെ വെബ്സൈറ്റില്‍ അപ്ലോഡ് ചെയ്ത റിപ്പോര്‍ട്ടില്‍, ജനുവരി 12 മുതല്‍ ഗംഗാ നദിയിലെ അഞ്ച് സ്ഥലങ്ങളിലും യമുന നദിയിലെ രണ്ട് സ്ഥലങ്ങളിലും ആഴ്ചയില്‍ രണ്ടുതവണ ബോര്‍ഡ് ജല നിരീക്ഷണം നടത്തിയതായി പറയുന്നു.
