മോളിവുഡിന് പുത്തൻ ദൃശ്യവിസ്മയം സമ്മാനിച്ച ‘ലോക ചാപ്റ്റർ 1 ചന്ദ്ര’ ബോക്സ് ഓഫീസിൽ ഗംഭീര പ്രകടനമാണ് കാഴ്ചവയ്ക്കുന്നത്. ഓണം ദിനങ്ങളായതിനാൽ കളക്ഷനിൽ മുന്നിട്ട് നിൽക്കുകയാണ് ലോക. ലോക ചാപ്റ്റർ 1 ചന്ദ്ര തിയറ്ററുകളിൽ എത്തി പതിനൊന്ന് ദിവസം പിന്നിടുമ്പോൾ ആഗോള തലത്തിൽ ഇതുവരെ ചിത്രം നേടിയ കണക്കുകൾ പുറത്തുവരികയാണ്.
അതേസമയം ചിത്രം 200 കോടി ക്ലബ്ബിലെത്തുമെന്നാണ് കണക്കുകളിൽ നിന്നും വ്യക്തമാകുന്നത്. ട്രാക്കിംഗ് സൈറ്റായ സാക്നിൽക്കിന്റെ റിപ്പോർട്ട് പ്രകാരം 168.25 കോടിയാണ് ലോക ആഗോള തലത്തിൽ നേടിയിരിക്കുന്നത്. റിലീസ് ചെയ്ത് പത്ത് ദിവസത്തെ കളക്ഷനാണിത്. ഇന്ത്യ നെറ്റ് കളക്ഷൻ 72.35 കോടിയും ഗ്രോസ് കളക്ഷൻ 84.55 കോടിയുമാണ്.
ലോക ഓവർസീസിൽ നിന്നും 83.70 കോടി രൂപയാണ് നേടിയിരിക്കുന്നത്. കേരളത്തിൽ 51.75 കോടിയാണ് പത്ത് ദിവസത്തെ ലോകയുടെ കളക്ഷൻ. കർണാടക- 7.88 കോടി, തെലങ്കാന, ആന്ധ്രാപ്രദേശ്- 10.1 കോടി, തമിഴ്നാട്- 10.85 കോടി എന്നിങ്ങനെയാണ് മറ്റിടങ്ങളിലെ ചിത്രത്തിന്റെ ബോക്സ് ഓഫീസ് കളക്ഷൻ. രണ്ടാം ശനിയാഴ്ച 10 കോടി രൂപയായിരുന്നു ലോക നേടിയത്. ഗംഭീര ബുക്കിംഗ് ആണ് ഇപ്പോൾ ലോകയ്ക്ക് ലഭിക്കുന്നത്.
