തനി നാടൻ രസം ഉണ്ടാക്കി നോക്കൂ

അവശ്യ ചേരുവകൾ

തക്കാളി- 3 എണ്ണം
മഞ്ഞൾപൊടി – 1/4 ടീസ്പൂൺ
കായപ്പൊടി – 4 നുള്ള്
ഉപ്പ് – ആവശ്യത്തിന്
മല്ലി – 4 ടീസ്പൂൺ
ജീരകം – 2 ടീസ്പൂൺ
കുരുമുളക് – 1/2 ടീസ്പൂൺ
വെളുത്തുള്ളി – 9 അല്ലി
പുളി – ആവശ്യത്തിന്
മല്ലിയില – ആവശ്യത്തിന്
കടുക് – 1 ടീസ്പൂൺ
വറ്റൽ മുളക് – 3 എണ്ണം
കറിവേപ്പില – 1 തണ്ട്

തയ്യാറാക്കുന്ന വിധം

ഒരു പാത്രത്തിൽ തക്കാളി മുറിച്ചത്, മഞ്ഞൾപൊടി, കായപ്പൊടി, ഉപ്പ്, വെളളം എന്നിവ ചേര്‍ത്ത് നന്നായി തിളപ്പിക്കുക. എടുത്തു വെച്ചിരിക്കുന്ന മല്ലി, ജീരകം, കുരുമുളക് എന്നിവ പൊടിച്ചെടുക്കുക. അതിലേക്ക് വെളുത്തുള്ളി കൂടി ചേര്‍ത്ത് ചതച്ചെടുക്കുക. തക്കാളി നന്നായി വെന്തു കഴിഞ്ഞാൽ ഒന്നു ഉടച്ച് കൊടുക്കുക. പാകത്തിനു പുളി പിഴിഞ്ഞ് ഒഴിക്കുക. ഇനി പൊടിച്ചു വെച്ച കൂട്ട് ഇതിലേക്ക് ഇട്ടു കൊടുക്കുക. തിളച്ചു കഴിഞ്ഞാൽ മല്ലിയില ചേര്‍ത്ത് അടുപ്പിൽ നിന്ന് വാങ്ങി വെയ്ക്കുക. ഇനി കടുക്, മുളക്, കറിവേപ്പില എന്നിവ താളിച്ചു ചേർക്കുക.