ബഹ്‌റൈനില്‍ ആധുനിക സാങ്കേതിക വിദ്യകള്‍ ഉള്‍പ്പെടുത്തിയിട്ടുള്ള പുതിയ സ്മാര്‍ട്ട് തിരിച്ചറിയല്‍ കാര്‍ഡുകള്‍ പുറത്തിറങ്ങി. ട്രാവല്‍ ആപ്ലിക്കേഷന്‍ റെഡി ചിപ്പുകള്‍ കാര്‍ഡുകളില്‍ ഘടിപ്പിച്ചിട്ടുണ്ട്.
ഇന്റര്‍നാഷണല്‍ സിവില്‍ ഏവിയേഷന്‍ ഓര്‍ഗനൈസെഷന്റെ ആഗോള മാനദണ്ഡങ്ങള്‍ അനുസരിച്ച് അന്താരാഷ്ട്ര യാത്രാരേഖയായി ഈ കാര്‍ഡുകള്‍ ഉപയോഗിക്കാന്‍ കഴിയും. കഴിഞ്ഞ ദിവസം ഇന്‍ഫര്‍മേഷന്‍ ആന്‍ഡ് ഇ-ഗവണ്‍മെന്റ് അതോറിറ്റി നടത്തിയ വാര്‍ത്ത സമ്മേളനത്തിലാണ് പുതിയ കാര്‍ഡുകള്‍ പുറത്തിറക്കിയത്. ഇതോടെ തിരിച്ചറിയല്‍ കാര്‍ഡുകളില്‍ ട്രാവല്‍ ആപ്ലിക്കേഷന്‍ റെഡി ചിപ്പുകള്‍ അവതരിപ്പിക്കുന്ന ആദ്യ ജിസിസി രാജ്യമായി ബഹ്‌റൈന്‍ മാറും.
പുതിയ ചിപ്പില്‍ ബയോമെട്രിക്, തിരിച്ചറിയല്‍ വിവരങ്ങള്‍ ഉള്‍പ്പെടുത്തിയിട്ടുണ്ട്.
