ചായക്കൊപ്പം ക‍ഴിക്കാൻ നെയ്യപ്പമായാലോ?

ചേരുവകൾ
പച്ചരിപ്പൊടി -4 കപ്പ്
ശർക്കര -250 ഗ്രാം
പാൽ -അര കപ്പ്
എള്ള്, കരിഞ്ജീരകം -അര ടീസ്പൂൺ വീതം
ഏലയ്ക്ക പൊടിച്ചത് -6
പഞ്ചസാര -1 ടേബിൾസ്പൂൺ
സോഡാപ്പൊടി -കാൽ ടീസ്പൂൺ
കൊട്ടത്തേങ്ങ കൊത്തിയരിഞ്ഞ് നെയ്യിൽ മൂപ്പിച്ചത് -കാൽ ടീസ്പൂൺ
വെളിച്ചെണ്ണ -400 മില്ലി

തയ്യാറാക്കുന്ന വിധം

ശർക്കര പാവ് കാച്ചിയതിൽ പാലൊഴിച്ച് അരിപ്പൊടി ചേർത്ത് നന്നായിളക്കി ദോശമാവിന്റെ അയവിൽ വെയ്ക്കുക. 4 മുതൽ 8 വരെയുള്ള സാധനങ്ങളും ഇതിൽ കൂട്ടിചേർത്ത് 2 മണിക്കൂറോളം അടച്ചു വെയ്ക്കുക. ഇടത്തരം തീയിൽ നല്ല കുഴിവുള്ള ചീനച്ചട്ടിയിൽ വെളിച്ചെണ്ണ ഒഴിച്ച് തിളയ്ക്കുമ്പോൾ കൂട്ട് ഇളക്കി ഒരു തവി മാവ് ഒഴിക്കുക. നന്നായി പൊങ്ങി വന്ന് അല്പം കഴിയുമ്പോൾ അപ്പം തിരിച്ചിടണം. ചുവന്ന നിറമാകുമ്പോൾ കോരിയെടുത്ത് എണ്ണ പോകാൻ വെയ്ക്കാം.