കേരള പ്രവേശനപരീക്ഷാ കമ്മിഷണർ പിജി ഡെന്റൽ കോഴ്‌സുകളിലെ സ്റ്റേറ്റ് ക്വാട്ട സീറ്റുകളിലേക്ക് നടത്തുന്ന അലോട് മെന്റിന്റെ മൂന്നാംഘട്ട ഓപ്ഷൻ രജിസ്‌ട്രേഷൻ ഓഗസ്റ്റ് 13വരെ. www.cee.kerala.gov.in വഴി റാങ്ക് പട്ടികയിൽപ്പെട്ടവർക്ക് രജിസ്റ്റർ ചെയ്യാം. ഓഗസ്റ്റ് 13ന് രാത്രി 11.59വരെ പുതിയ ഓപ്ഷനുകൾ രജിസ്റ്റർ ചെയ്യാവുന്നതാണ്.
രണ്ടാംഘട്ട അലോട്‌മെന്റിനു ശേഷം സർക്കാർ സ്വകാര്യ സ്വാശ്രയ ഡെന്റൽ കോളേജുകളിൽ വന്ന ഒഴിവുകൾ, മൂന്നാം അലോട്‌മെന്റ് സമയത്ത് ഉണ്ടാവാൻ പോകുന്ന സീറ്റുകളിലുമാണ് ഒഴിവുകൾ ഉണ്ടാവുക.
മൂന്നാം ഘട്ടത്തിൽ സീറ്റ് ലാപ്‌സിങ് ഒഴിവാക്കാനും സംസ്ഥാനസീറ്റും ഓൾ ഇന്ത്യാ സീറ്റും കൈവശം വച്ച് സീറ്റ് ബ്ലോക്കിങ് ഒഴിവാക്കാനുമായി ചില നിയന്ത്രണങ്ങളുണ്ടാകും.
അതേസമയം പ്രവേശനം ലഭിച്ച സീറ്റിൽ തുടരാനോ തുടർ റൗണ്ടുകളിൽ പങ്കെടുക്കാനോ താത്പര്യമില്ലാത്തവർക്ക് ട്രാൻസഫർ സർട്ടിഫിക്കറ്റിന് അപേക്ഷിച്ച് പിഴനൽകാതെ സീറ്റൊഴിയാൻ 13-ന് വൈകീട്ട് നാലുവരെ സമയമുണ്ടാകും. നാലുമണിക്ക് ശേഷം സീറ്റ് ഉപേക്ഷിക്കുന്നവർക്ക് ടിസിക്ക് അപേക്ഷിക്കുമ്പോൾ ഈ റീഫണ്ട് ലഭിക്കില്ല. കൂടാതെ പിഴയും അടക്കണം.
താത്കാലിക അലോട്‌മെന്റ് 14-നും അന്തിമ അലോട്‌മെന്റ് 16-നുമാണ് പ്രഖ്യാപിക്കുക. തുടർന്ന് 17 മുതൽ 20ന് വൈകീട്ട് വരെ ഫീസടച്ച് പ്രവേശനം നേടാൻ സമയമുണ്ടാകും
