പ്ലസ്‌വണ്‍ വിദ്യാർത്ഥി ക്ലാസില്‍ കുഴഞ്ഞുവീണ് മരിച്ചു. തമിഴ്‌നാട് വിഴുപ്പുറത്താണ് സംഭവം. സ്വകാര്യ സ്‌കൂള്‍ വിദ്യാർത്ഥിയായ മോഹൻരാജ് ആണ് മരിച്ചത്.16 വയസ്സായിരുന്നു. സ്പെഷ്യല്‍ ക്ലാസിന് വേണ്ടിയാണ് മോഹൻ രാജ് സ്കൂളിലെത്തിയത്. ക്ലാസ് മുറിയില്‍ ഇരുന്നതിന് പിന്നാലെ പെട്ടെന്ന് കുഴഞ്ഞുവീഴുകയായിരുന്നു. സംഭവത്തില്‍ സ്കൂളിനെതിരെ കുട്ടിയുടെ അമ്മ ഗുരുതര ആരോപണം ഉയർത്തിയിട്ടുണ്ട്.
വിഴുപ്പുറത്തെ സ്വകാര്യ സ്കൂളിലെ വിദ്യാർത്ഥിയാണ് മോഹൻ രാജ്. രാവിലെ 7 മുതല്‍ വൈകീട്ട് 6 വരെയും സ്കൂളില്‍ ക്ലാസുകള്‍ പതിവാണെന്ന് കുട്ടിയുടെ അമ്മ പറഞ്ഞു. രണ്ട് വർഷമായി രാവിലെ 4 മണിക്കാണ് കുട്ടി എഴുന്നേല്‍ക്കുന്നത്. ഉറങ്ങാൻ പോലും സമയം കിട്ടാറില്ലെന്നും അമ്മ പറയുന്നു.
