പോഷകളാൽ സമ്പുഷ്ടമായ സമീകൃതാഹാരം കണ്ണുകളുടെ ആരോഗ്യത്തെ സംരക്ഷിക്കും. നേത്രാരോഗ്യത്തിനായി വേണ്ട വിറ്റാമിനുകളും ധാതുക്കളും എന്തൊക്കെയാണെന്ന് നോക്കാം.
1. വിറ്റാമിൻ എ
കോർണിയയുടെ ആരോഗ്യം നിലനിർത്താൻ വിറ്റാമിൻ എ ഏറെ പ്രധാനമാണ്. വിറ്റാമിൻ എ കണ്ണിലെ ദ്രാവകത്തിന്റെ നേർത്ത പാളിയായ ടിയർ ഫിലിമിന്റെ സുഗമത മെച്ചപ്പെടുത്തുകയും ചെയ്യുന്നു. കണ്ണിൻറെ കാഴ്ച ശക്തി കൂട്ടാനും കണ്ണുകളുടെ മൊത്തത്തിലുള്ള ആരോഗ്യം സംരക്ഷിക്കാനും വിറ്റാമിൻ എ പ്രധാനമാണ്. ഇതിനായി ക്യാരറ്റ്, മധുരക്കിഴങ്ങ്, ചീര, മറ്റ് ഇലക്കറികൾ, ആപ്രിക്കോട്ട്, തണ്ണിമത്തൻ, മുട്ട, പാൽ, മാമ്പഴം, പപ്പായ തുടങ്ങിയ വിറ്റാമിൻ എ അടങ്ങിയ ഭക്ഷണങ്ങൾ ഡയറ്റിൽ ഉൾപ്പെടുത്താം.
2. വിറ്റാമിൻ സി
ശക്തമായ ആൻറി ഓക്സിഡൻറായ വിറ്റാമിൻ സി കണ്ണുകളുടെ ആരോഗ്യം സംരക്ഷിക്കാൻ സഹായിക്കും. ഇത് നിങ്ങളുടെ കണ്ണുകളിലെ രക്തക്കുഴലുകളെ സംരക്ഷിക്കുകയും തിമിരം, മാക്യുലർ ഡീജനറേഷൻ തുടങ്ങിയ അവസ്ഥകളുടെ സാധ്യത കുറയ്ക്കുകയും ചെയ്യുന്നു. കൂടാതെ കണ്ണുകളിലെ കൊളാജൻ ഉൽപ്പാദനത്തിനും ഇവ സഹായിക്കും. ഇതിനായി ഓറഞ്ച്, സ്ട്രോബെറി, ബെൽ പെപ്പർ, ബ്രൊക്കോളി, പേരയ്ക്ക കിവി, നാരങ്ങ തുടങ്ങിയവ ഡയറ്റിൽ ഉൾപ്പെടുത്താം.
3. വിറ്റാമിൻ ഇ
വിറ്റാമിൻ ഇ ഒരു മികച്ച ആൻറി ഓക്സിഡൻറായി പ്രവർത്തിച്ചുകൊണ്ട് കണ്ണുകളുടെ ആരോഗ്യം സംരക്ഷിക്കും. ഇതിനായി ബദാം, സൂര്യകാന്തി വിത്തുകൾ, നിലക്കടല, അവക്കാഡോ, ചീര തുടങ്ങിയവ ഡയറ്റിൽ ഉൾപ്പെടുത്താം.
4. വിറ്റാമിൻ ഡി
വിറ്റാമിൻ ഡിയുടെ അളവ് കുറയുന്നത് ഡ്രൈ ഐ സിൻഡ്രോം ഉണ്ടാകാനുള്ള സാധ്യത കൂട്ടാം. അതിനാൽ സാൽമൺ ഫിഷ്, അയല, ഫോർട്ടിഫൈഡ് പാൽ, മുട്ടയുടെ മഞ്ഞക്കരു തുടങ്ങിയവ ഉൾപ്പെടുത്താൻ ശ്രമിക്കുക.
5. സെലീനിയം, സിങ്ക്
സെലീനിയം, സിങ്ക് എന്നിവയും മികച്ച ആൻറി ഓക്സിഡൻറായി പ്രവർത്തിച്ചുകൊണ്ട് കണ്ണുകളുടെ ആരോഗ്യം സംരക്ഷിക്കും.
