വേനല്‍ക്കാല അവധി ആഘോഷമാക്കാന്‍ 974 ബീച്ചില്‍ 10 ദിവസം നീണ്ടുനില്‍ക്കുന്ന ആവേശകരമായ പരിപാടികളുമായി ഖത്തര്‍ മുനിസിപ്പാലിറ്റി മന്ത്രാലയം. ജൂലൈ 24 മുതല്‍ ഓഗസ്റ്റ് രണ്ട് വരെയാണ് ഈ സമ്മര്‍ ഇവന്റ്.
വിനോദവും വിശ്രമവും ഒപ്പം സുരക്ഷിതവും സ്വകാര്യവുമായ അന്തരീക്ഷം പരിപാടി പ്രദാനം ചെയ്യുന്നു. ചില ദിവസങ്ങളില്‍ സ്ത്രീകള്‍ക്ക് മാത്രമായിരിക്കും പ്രവേശനം. ജൂലൈ 26, ജൂലൈ 29, ഓഗസ്റ്റ് രണ്ട് എന്നീ തീയതികളിലാണ് സ്ത്രീകള്‍ക്ക് മാത്രം പ്രവേശനം അനുവദിക്കുന്നത്. 35 റിയാലാണ് പ്രവേശന നിരക്ക്. 14 വയസ്സിന് താഴെയുള്ള കുട്ടികള്‍ക്ക് 15 റിയാലാണ് പ്രവേശന നിരക്ക്. ആറ് വയസ്സിന് താഴെയുള്ള കുട്ടികള്‍ക്കും ഭിന്നശേഷിക്കാര്‍ക്കും പ്രവേശനം സൗജന്യമാണ്. വിഐപി കാര്‍ ആക്സസിന് 150 റിയാലാണ് നിരക്ക്.
Trending :